Fram kom í fréttum Stöðvar tvö í kvöld að fimm fyrirtæki sem áður höfðu gert kröfu á hendur ríkinu hafi dregið þær til baka.
Sigurgeir Brynjar framkvæmdastjóri Vinnslustöðvarinnar segir að stjórn fyrirtækisins hafi verið samstíga í að halda kröfunni til streitu gegn ríkinu í viðtali í kvöldfréttum stöðvar tvö og skrifaði m.a. grein í Moggann í dag þar sem hann réttlætir 10.2 milljarða kröfu á hendur þjóðinni vegna makrílkvóta. Ekki liggur fyrir hvert sjötta fyrirtækið er sem enn hefur ekki dregið hina mjög svo umdeildu kröfu sína til baka.
Fyrirtækin hafa haft þjóðina á móti sér ef marka má harkalega umræðu bæði á netinu og í rituðu máli og manna á milli. Þá hafa bæði þingmenn og ráðherrar ríkisstjórnarinnar verið furðu lostnir og fordæmt þann yfirgang og frekju sem krafan er sögð vera, á meðal þjóðarinnar og það í miðjum heimsfaraldri. Krafan hefði hljóðað upp á rúmlega þreföld veiðigjöld allra útgerða á Íslandi miðað við áætlaða greiðslu upp á liðlega fjóra milljarða fyrir núgildandi ár. Þjóðin hefði með því móti ekki fengið nein veiðigjöld í meira en þrjú ár þegar sú fjárhæð væri frádregin.
https://gamli.frettatiminn.is/katrin-og-bjarni-fordaema-10-2-milljarda-krofu-utgerdanna-reikningurinn-verdi-greiddur-af-greininni/
