Var í sambúð með Katrínu – ,,Sagði rík­is­stjórn Katrín­ar, fas­ista­stjórn sem eigi sér­stak­an stað í hel­víti fyr­ir þinglið og ráðherra flokks­ins

Séra Davíð Þór Jóns­son, sókn­ar­prest­ur í Lauga­rnes­kirkju, tel­ur hörð um­mæli sín um þinglið og ráðherra Vinstri grænna ekki koma því við að formaður flokks­ins og for­sæt­is­ráðherra, Katrín Jak­obs­dótt­ir, sé fyrr­ver­andi sam­búðar­kona hans.

Hann hef­ur meðal ann­ars kallað rík­is­stjórn Katrín­ar fas­ista­stjórn og sagt sér­stak­an stað í hel­víti fyr­ir þinglið og ráðherra flokks­ins. Lét hann um­mæl­in falla vegna brott­vís­ana á 300 ein­stak­ling­um, samkvæmt viðtali við hann hjá Mbl.is þar sem fjallað var um málið. ,,Ég bjó aldrei með for­sæt­is­ráðherra Íslands, það var allt önn­ur mann­eskja sem ég bjó með.“ Sagði Davíð þór og notar myndlíkingu.

Fyr­ir sjö árum ræddi Davíð við Morg­un­blaðið um sam­bandið við Katrínu. Voru þau sam­an í sjö ár en sam­bandið endaði árið 2004. „Í kjöl­farið á sam­bands­slit­un­um tók við eitt ár af hel­víti sem endaði í tár­um inni á Vogi. Ég var bara bú­inn á því. Og síðan þá hef ég verið að byggja upp líf mitt á nýj­um for­send­um,“ sagði Davíð meðal ann­ars við Morg­un­blaðið.

Þrumuræða séra Davíðs Þórs Jónssonar var alveg einstök á Austurvelli í mótmælum á föstudaginn langa í fyrra, vegna sölunnar á Íslandsbanka. Ríkisstjórnin var harðlega gagnrýnd vegna Íslandsbankasölunnar og umræðan mun örugglega halda áfram næstu árin. Hlustið á ræðuna hér í spilaranum að neðan þar sem ástandið er greint.