Langar biðraðir við Víði, vörur á 50% afslætti vegna gjaldþrots- Heildsalar reyndu að ná í ógreiddar vörur í verslunina
Langar biðraðir höfðu myndast löngu áður en Víðir opnaði í Skeifunni vegna útsölu sem er til komin vegna gjaldþrots verslunarinnar. Almenningi var boðið að versla og fá 50% afslátt við kassa.
Skiptastjóri í þrotabúi matvörukeðjunnar Víðis ákvað að opna tvær af verslunum keðjunnar til þess að selja allar vörur á hálfvirði. Víðir hefur rekið fimm verslanir undanfarin ár. Öll bílastæði í nágrenni Víðis í Skeifunni voru full.
Verslunin í Garðabæ opnaði klukkan 16 í gær og í Skeifunni klukkan 12 í dag. Óánægðir heildsalar mættu og vildu fá vörur sínar til baka úr versluninni en ekki er enn ljóst hvaða niðurstaða varð í því máli.
Upphaflega voru lokanirnar sagðar vera vegna breytinga en svo kom í ljós að verslanirnar höfðu verið teknar til gjaldþrotaskipta og kom það flatt upp á þá aðila sem að Fréttatíminn hefur rætt við. M.a. kom starfsfólk að lokuðum dyrum þegar að það ætlaði að mæta til vinnu og leitaði til VR til þess að fá upplýsingar.
![](https://gamli.frettatiminn.is/wp-content/uploads/2018/06/35281654_10156384562014520_7825740325267177472_n-300x225.jpg)
![](https://gamli.frettatiminn.is/wp-content/uploads/2018/06/35301260_10156384561984520_3158867911276232704_n-225x300.jpg)
![](https://gamli.frettatiminn.is/wp-content/uploads/2018/06/35285825_10156384561944520_3204915441067622400_n-300x225.jpg)
Umræða