-0.2 C
Reykjavik
Laugardagur - 4. febrúar 2023
Auglýsing

Væntanlega þurrt um allt land þann 17.júní

Auglýsing

Auglýsing

Nýjar fréttir

Auglýsing

Hugleiðingar veðurfræðings

Í dag er útlit fyrir sunnanátt á bilinu 5-13 m/s. Víðfemt skilakerfi fer yfir landið frá vestri til austurs með tilheyrandi rigningu og súld. Mest verður vætan sunnanlands, en þó áttin sé suðlæg mun einnig rigna af og til á Norður- og Austurlandi sem er gott fyrir gróðurinn á þeim slóðum. Á vestasta hluta landsins verða skilin farin yfir kringum hádegi og handan skilanna taka við smávegis skúrir. Seinnipartinn í dag og í kvöld dregur einnig úr vætunni í öðrum landshlutum.
Á morgun tekur við suðvestanátt, allvíða 5-10 m/s. Búast má við dálitlum skúrum í flestum landshlutum, líklega hangir hann þó þurr á Suðausturlandi og Austfjörðum. Hiti 8 til 16 stig, hlýjast norðaustantil á landinu í dag, en suðaustanlands á morgun.
Á miðvikudag (þjóðhátíðardaginn) er síðan hæg suðlæg átt í kortunum, 3-8 m/s. Væntanlega verður þurrt um allt land. Norðanlands verður víða bjart veður, en meira af skýjum á himni á sunnanverðu landinu, þó eflaust sjáist til sólar á milli skýjanna. Þokuloft gæti sett strik í reikninginn og er þokan líklegust til að láta á sér kræla með austurströndinni.
Veðurhorfur á höfuðborgarsvæðinu
Sunnan 3-8 m/s og rigning eða súld en suðvestlægari og smáskúrir seinnipartinn og á morgun. Hiti 8 til 11 stig.
Veðurhorfur á landinu
Sunnan 5-13 m/s og rigning, einkum sunnanlands. Dregur úr vætu eftir hádegi, fyrst vestast á landinu.
Suðvestlæg eða breytileg átt 3-10 á morgun. Víða dálitlir skúrir, en þurrt að kalla á Suðausturlandi og Austfjörðum.
Hiti 8 til 17 stig, hlýjast norðaustantil á landinu í dag, en um landið austanvert á morgun.
Spá gerð: 15.06.2020 09:48. Gildir til: 17.06.2020 00:00.
Veðurhorfur á landinu næstu daga
Á miðvikudag (lýðveldisdagurinn):
Suðlæg átt 3-8 m/s. Skýjað sunnan- og vestanlands og hiti 10 til 14 stig, en léttskýjað á Norðausturlandi með hita 13 til 18 stig.
Á fimmtudag:
Suðaustan 5-10 á sunnanverðu landinu og skýjað, en úrkomulítið. Hægari vindur norðanlands og bjartviðri. Hiti 10 til 18 stig, hlýjast fyrir norðan.
Á föstudag:
Hægt vaxandi suðaustanátt og skýjað fer að rigna síðdegis, en bjart norðantil á landinu. Úrkomumeira sunnan- og vestanlands um kvöldið. Hiti breytist lítið.
Á laugardag (sumarsólstöður) og sunnudag:
Austanátt og rigning með köflum. Milt í veðri.
Spá gerð: 15.06.2020 08:33. Gildir til: 22.06.2020 12:00.