Þrennt var í bílnum sem hafnaði í sjónum í Skötufirði á ellefta tímanum í morgun. Slysið er alvarlegt en unnið er að því að veita þeim aðstoð á vettvangi. Tvær þyrlur Landhelgisgæslunnar eru að lenda á slysstað, rúv.is greindi fyrst frá. Skötufjörður er í Ísafjarðardjúpi í um 40 til 50 mínútna akstursleið frá Ísafirði.
Þar segir jafnframt að ,,hópslysaáætlun hafi verið virkjuð sem og Samhæfingarmiðstöð almannavarna í Skógarhlíð. Litlar upplýsingar er að hafa eins og staðan er núna, en samkvæmt upplýsingum frá Slysavarnarfélaginu Landsbjörgu er gríðarleg hálka á svæðinu og talið er að hún sé orsök slyssins.
Þrír kafarar og tveir læknar eru um borð í þyrlum Gæslunnar og búist er við því að fyrri þyrlan nái til Skötufjarðar um klukkan 11:40. Kafarar og læknir eru um borð í þeirri þyrlu. Fréttin verður uppfærð um leið og nýjar upplýsingar berast.
