Um 14% fullorðinna Íslendinga töldu sig hafa verið bitna af lúsmýi á Íslandi síðasta sumar * í könnun sem var tekin í júlí. Nú er spurningin hvort við sleppum við lúsmý í sumar eða ekki en það mun tíminn leiða í ljós á næstunni.
Nær tvöfalt fleiri íbúar höfuðborgarsvæðisins en landsbyggðarinnar töldu sig hafa verið bitna af lúsmýi í fyrrasumar, eða tæplega 17% Reykvíkinga á móti rúmlega 9% íbúa landsbyggðarinnar.
Við nánari skoðun á búsetu þeirra sem töldu sig hafa verið bitna af lúsmýi má sjá að hlutfallið er hæst meðal þeirra sem búa í Reykjavík, Suðvesturkjördæmi og Suðurkjördæmi. Um helmingi færri íbúar Norðvesturkjördæmis sögðust hafa verið bitnir og hlutfallið er langlægst meðal íbúa Norðausturkjördæmis.
*Rúmlega 2% þátttakenda tóku ekki afstöðu og eru hlutföll reiknuð út frá þeim sem tóku afstöðu.
Spurt var:
Telur þú þig hafa verið bitna/bitinn af lúsmýi á Íslandi?
Þjóðarpúls Gallup í Júlí 2019
Niðurstöður sem hér birtast eru úr netkönnun sem Gallup gerði dagana 27. júní til 11. júlí 2019. Heildarúrtaksstærð var 1.764 og þátttökuhlutfall var 47,4%.
Einstaklingar í úrtaki voru handahófsvaldir úr Viðhorfahópi Gallup.
Já 14,1% / Nei 85,9%
