Umsókn um stuðningslán var virkjuð á ísland.is 9. júlí s.l. en síðan þá hafa 171 fyrirtæki sótt um grunnlán fyrir allt að 10 m.kr. með 100% ríkisábyrgð. Einnig hafa 56 fyrirtæki sótt um auka-stuðningslán, allt að 40 m.kr. með 85% ríkisábyrgð. Samtals gera þetta 227 lán fyrir tæpa 2,2 milljarða (2.176.000.000).
Stuðningslán eru hluti af viðspyrnuaðgerðum stjórnvalda og er ætlað að styðja við smærri og meðalstór fyrirtæki sem orðið hafa fyrir miklu tekjufalli.
Tekið er á móti umsóknum um stuðningslán á Ísland.is en stjórnvöld hafa samið við Arion banka, Íslandsbanka, Kviku, Landsbankann og Sparisjóðina um framkvæmd lánanna. Fyrirtæki fá því lán afgreidd hjá sínum viðskiptabanka.
Umsóknir ásamt upplýsingum um stuðningslánin er að finna hér:
https://vidspyrna.island.is/studningslan
Lög um fjárstuðning til minni rekstraraðila vegna heimsfaraldurs kórónuveru.
https://www.althingi.is/altext/150/s/1420.html
Reglugerð um stuðningslán:
https://www.stjornartidindi.is/Advert.aspx?RecordID=78286c71-0c3d-4c7b-b300-7f258bc3851f
