Áhöfnin á TF-GNA, þyrlu Landhelgisgæslunnar, var kölluð út fyrir hádegi í dag vegna veikinda um borð í fiskiskipi sem statt var um 80 sjómílur norður af Grímsey.
Skipstjóri fiskiskipsins hafði samband við stjórnstöð Landhelgisgæslunnar vegna veikindanna og óskaði eftir samtali við lækni þyrlunnar sem ákvað að sækja þyrfti skipverjann og koma undir læknishendur á Akureyri.
Þar sem um flug langt á haf út var að ræða var áhöfnin á TF-EIR einnig kölluð út sem flaug út í Grímsey og beið þar á flugvellinum þar til hin þyrlan var komin nálægt landi aftur. Lent var með sjúklinginn á Akureyri laust fyrir klukkan tvö.
Umræða
