Fjallað er um fund Rick Perry orkumálaráðherra Bandaríkjanna við Guðmund Inga Guðbrandsson í blaðinu Pinknews í Bretlandi og fjallað er um andstöðu íslenska ráðherrans við stefnu og lög ríkisstjórnar Trumps gagnvart samkynhneigðum og viðhorfi til þeirra. Þar sem samkynhhneigð er m.a. líkt við alkóhólisma.
,,Átti fund með Rick Perry, orkumálaráðherra Bandaríkjanna, ásamt forsætisráðherra. Skilaboð Íslands varðandi loftslagsmálin voru skýr og við lögðum t.a.m. áherslu á mikilvægi alþjóðlegrar samvinnu og það að Bandaríkin verði aftur með í Parísarsamkomulaginu.
Ég lét í lok fundar í ljós algjöra andstöðu mína við lagasetningu hans um að banna samkynja hjónabönd í Texas. Sjálfur væri ég samkynhneigður og stjórnvöld bæru ríka ábyrgð á lagasetningu eins og þessari. Þau gætu ekki einfaldlega skýlt sér á bak við atkvæðagreiðslur almennings um þær.
Perry hefur meðal annars líkt samkynhneigð við alkóhólisma og er mótfallinn því að hinsegin fólk geti ættleitt börn.“ Segir Guðmundur Ingi á vef sínum.
