0,1 PRÓSENTIÐ Á ÍSLANDI: 330 MANNS FENGU 60 MILLJARÐA Á EINU ÁRI
Tekjublöðin gefa ekki rétta mynd af tekjum á Íslandi
Stundin fjallar ítarlega um tekjur íslendinga á vef sínum í dag og segir m.a.
,,Í tekjublöðunum svokölluðu hafa einvörðungu verið birtar atvinnutekjur og lífeyristekjur en ekki fjármagnstekjur. Það þýðir að stór hluti af tekjum hátekjuhópanna, jafnvel meirihluti tekna hæsta eina prósentsins, er þar undanskilinn“
,,Tekjuhæstu 330 Íslendingarnir fengu samtals 60 milljarða í heildartekjur árið 2016 og greiddu af þeim 23,3 prósenta skatt. Alls 86 prósent teknanna voru fjármagnstekjur og báru 20 prósenta skatt en samtals runnu um 14,2 milljarðar af tekjum fólksins í ríkissjóð. Hópurinn samanstendur að miklu leyti af eigendum og stjórnendum fyrirtækja, útgerðarmönnum, bankamönnum, fjárfestum og fólki sem seldi hluti í fyrirtækjum fyrir umtalsverða fjármuni árið 2016. Þá eru læknar og lögmenn áberandi á listanum og fólk sem erft hefur miklar eignir.“ Segir í greininni.
Með 720-faldar tekjur láglaunamanns
Þá er bent á að einstaklingur sem tilheyrði 0,1 prósentinu fékk að meðaltali 184,2 milljónir árið 2016 eða sem samsvarar 15,3 milljónum á mánuði. Þeir tekjulægstu í þessum 330 manna hópi voru með rúmlega 62 milljóna árstekjur eða 5,2 milljónir á mánuði. Stundin birtir nafnalista 60 tekjuhæstu einstaklinga á Íslandi. Hér er hægt að lesa grein Stundarinnar í heild sinni:
