Hugleiðingar veðurfræðings
Í dag verður hæglætis veður framan af, en sums staðar él fyrir norðan og allra syðst. Undir kvöld færist snjókomubakki yfir Suðausturland. Í gær var að sjá að það gæti snjóað allnokkuð á Suðurlandi og jafnvel á Faxaflóasvæðinu, en svona er þetta stundum. Spár breytast og telst þetta til minniháttar breytinga þótt það hafi mikil áhrif á okkur sem búum á Höfuðborgarsvæðinu. Á morgun verður vindur norðlægur á vesturhelmingi landsins, en suðaustlægur fyrir austan. Éljagangur nokkuð víða og frost um mest allt land.
Veðurhorfur á landinu
Austlæg átt 3-8 m/s í dag. Skýjað að mestu og snjókoma með köflum norðaustanlands. Slydda eða snjókoma suðaustantil í kvöld.
Norðlæg átt 8-13 þegar líður á morgundaginn, fyrst norðvestantil. Snjókoma með köflum eða él, en þurrt suðvestanlands.
Frost 1 til 13 stig, kaldast í innsveitum norðaustanlands, en sums staðar frostlaust syðst.
Spá gerð: 17.03.2023 10:47. Gildir til: 19.03.2023 00:00.
Veðurhorfur á landinu næstu daga
Á sunnudag:
Norðlæg átt 5-13 m/s, en hvassari vindstrengir austast. Víða bjartviðri, en stöku él norðaustantil í fyrstu og syðst síðdegis. Frost 2 til 13 stig, kaldast inn til landsins, en hiti í kringum frostmark með suðurströndinni.
Á mánudag:
Hæg austlæg átt, yfirleitt léttskýjað og talsvert frost, en austanhvassviðri syðst stöku él og mildara.
Á þriðjudag:
Austan 8-15 m/s, en hvassara syðst. Skýjað sunnan- og austantil og stöku él, annars bjart með köflum. Frost 2 til 12 stig, en mildara suðvestanlands yfir hádaginn.
Á miðvikudag og fimmtudag:
Útlit fyrir austan- og norðaustanátt og víða dálítil él, en léttskýjað suðvestantil. Áfram kalt í veðri. Spá gerð: 17.03.2023 08:41. Gildir til: 24.03.2023 12:00.