Lægð er stödd við Hvarf syðst á Grænlandi og strekkingssunnanáttin hennar beinir hlýju og röku lofti að landinu. Súld eða dálítil rigning sunnan og vestanlands í dag, en þurrt norðan- og austantil. Þar sem lítill raki er í lofinu á þeim slóðum má búast við hlýju veðri, hiti er nú þegar kominn í 11 stig á Siglufirði og síðar í dag verður hitnn víðar yfir 10 stig, jafnvel 15 stig á Austurlandi. Helur svalara þó í úrkomunni, víða 4 til 9 stig.
Bætir heldur í sunnanáttina á morgun og áfram hlýtt veður, en snjónum líkar ekki sérstaklega við þessi hlýnindi. Hann mun bráðna nokkuð hratt og því útlit fyrir talverðar vorleysingar norðan- og austanlands. Kalt loft er þó ekki langt undan og útlit fyrir að það gangi inn á norðvestanvert landið síðdegis á morgun með slyddu og snjókomu annað kvöld, en áfram hlýtt annarstaðar.
Veðurhorfur á landinu
Sunnan 8-15 m/s og súld á köflum, en hægari vindur og bjatviðri austanlands. Suðaustan 10-18 í nótt og á morgun og víða rigning, en áfram þurrt um landið norðaustanvert. Snýst í hæga norðlæga átt með slyddu norðvestantil annað kvöld. Hiti 6 til 14 stig að deginum, hlýjast með norðausturströndinni, en svalara á Vestfjörðum á morgun.
Spá gerð: 17.04.2020 04:29. Gildir til: 18.04.2020 00:00.
Veðurhorfur á landinu næstu daga
Á laugardag:
Sunnanátt, víða 10-15 m/s. Bjartviðri norðaustantil á landinu, en súld eða dálítil rigning sunnan- og vestanlands. Lægir um vestanvert landið um kvöldið. Hiti 4 til 13 stig, hlýjast norðanlands.
Á sunnudag:
Suðlæg átt, 8-15 m/s og víða rigning eða súld, en þurrt norðaustanlands. Hiti 3 til 10 stig, kaldast norðvestantil.
Á mánudag:
Fremur hæg suðlæg átt en suðaustan 8-13 suðvestantil. Rigning eða súld með köflum en bjart veður norðanlands. Hiti víða 5 til 10 stig.
Á þriðjudag:
Fremur hæg suðaustanátt og dálítil væta en þurrt á Norður- og Austurlandi. Hiti breytist lítið.
Á miðvikudag og fimmtudag (sumardagurinn fyrsti):
Hæg austlæg eða breytileg átt og bjart með köflum. Milt í veðri.
Spá gerð: 16.04.2020 21:01. Gildir til: 23.04.2020 12:00.