3.8 C
Reykjavik
Fimmtudagur - 2. febrúar 2023
Auglýsing

Meirihluti karla tilbúinn að taka getnaðarvarnarpillu

Auglýsing

Auglýsing

Nýjar fréttir

Auglýsing

Rúmlega helmingur íslenskra karlmanna segist jákvæður gagnvart því að taka getnaðarvarnarpillu að staðaldri, ef slíkt væri í boði. Þetta kemur fram í könnun MMR sem framkvæmd var dagana 11.-15. febrúar 2019. Alls kváðust 27% þeirra sem tóku afstöðu til spurningarinnar vera mjög jákvæðir gagnvart því að taka getnaðarvarnarpillu, 28% frekar jákvæðir, 35% hvorki jákvæðir né neikvæðir, 5% frekar neikvæðir og 5% mjög neikvæðir.
1902 GetnaðarvarnirSpurt var: „Ef við á, hversu jákvæður eða neikvæður værir þú gagnvart því að taka getnaðarvarnarpillu að staðaldri ef slíkt væri í boði fyrir karlmenn?“
Svarmöguleikar voru: „Mjög neikvæður“, „Frekar neikvæður“, „Hvorki jákvæður né neikvæður“, „Frekar jákvæður“, „Mjög jákvæður“, „Á ekki við – þarf ekki á getnaðarvörnum að halda“, „Veit ekki“ og „Vil ekki svara“.
Allir karlmenn í hópi þátttakenda voru spurðir en samtals tóku 74,2% afstöðu til spurningarinnar, aðrir sögðust ekki þurfa á getnaðarvörnum að halda (14,4%), vissu ekki svarið (8,7%) eða vildu ekki svara (2,6%).

Munur eftir lýðfræðihópum

Karlar á höfuðborgarsvæðinu (60%) reyndust líklegri en karlar af landsbyggðinni (48%) til að segjast jákvæðir gagnvart því að taka getnaðarvarnarpillu að staðaldri en karlar af landsbyggðinni reyndust líklegri til að segjast hvorki jákvæðir né neikvæðir (42%) heldur en þeir af höfuðborgarsvæðinu (31%). Jákvæðni gagnvart reglulegri notkun á getnaðarvarnarpillum fór minnkandi með auknum aldri en 63% svarenda á aldrinum 18-29 ára og 61% svarenda á aldrinum 30-49 ára sögðust reiðubúnir til að taka pillu að staðaldri, samanborið við 45% þeirra á aldrinum 50-67 ára og 46% þeirra 68 ára og eldri.
1902 Getnaðarvarnir x1
 
Upplýsingar um framkvæmd:
Úrtak: Einstaklingar 18 ára og eldri valdir handahófskennt úr hópi álitsgjafa MMR
Könnunaraðferð: Spurningavagn MMR
Svarfjöldi: 934 einstaklingar
Dagsetning framkvæmdar: 11. til 15. febrúar 2019