Á vefnum aurbjorg.is er fylgst með verðum á rafmagni ofl. Samkvæmt þeirra upplýsingum, þá er ON eða Orka Náttúrunnar að selja dýrasta rafmagnið og N1 það ódýrasta. Ekki er tekið tillit til hugsanlegra afslátta til vildarvina eða gegn kröfum um föst viðskipti, í töflunni hér að neðan. Á vefnum aurbjorg.is er auðvelt að skipta um raforkufyrirtæki með einum smelli og stuðla þannig að lægri raforkureikningum yfir árið.
Spurt og svarað um rafmagn
Já. Þú getur keypt rafmagn af hverjum sem er óháð því hvar þú ert búsett/ur á landinu. Rafmagnskostnaðurinn skiptist í tvennt, annars vegar í raforkusölu og raforkudreifingu en ekki er hægt að skipta um raforkudreifingar aðila. En eins og fyrr segir þá getur þú valið þér raforkusala sem býður upp á hagstætt verð hér beint af þessari vefsíðu.
Mjög auðvelt er að skipta um raforkusala og getur það lækkað kostnað heimilisins eða fyrirtækisins.
Þú getur skipt um raforkusala hér beint á vefnum með því að smella á ‘Skipta yfir’ hnappinn hjá viðkomandi raforkufyrirtæki. Skiptingin tekur gildi um þar næstu mánaðamót. Ekki er þörf á að setja upp aukabúnað og engin truflun verður á rafmagnsnotkun þinni við skiptin.
Best er að kíkja á síðasta rafmagnsreikning (t.d. í heimabankanum) en þar kemur fram af hvaða fyrirtæki þú kaupir rafmagn.
Athuga skal að á rafmagnsreikningi kemur fram hvaða fyrirtæki sér um raforkusölu og hvaða fyrirtæki sér um raforkudreifungu. Þú kaupir rafmagn af raforkusala (sem þú getur valið þér), en ekki er hægt að breyta um raforkudreifingar aðila.
Húsfélög geta einnig keypt rafmagn af hverjum sem er óháð staðsetningu. Töluverður sparnaður getur verið fyrir húsfélög að velja hagstæðan raforkusala.
Sama á við sumarbústaði, en eigendur sumarbústaða geta einnig sparað með því að velja hagstæðan raforkusala fyrir bústaðinn hér á vefnum.
Nei það kostar ekkert að skipta um raforkusala. Óheimilt er fyrir raforkusala að taka sérstakt gjald af neytendum þegar þeir skipta um raforkusölu. Þú getur skipt um raforkusala hér beint á síðunni.
Rafmagnsnotkun þín er mæld í kílóvattstundum (kWst) og rafmagns reikningurinn þinn skiptist í raforkudreifingu (sem þú getur ekki breytt) og raforkusölu (sem er á samkeppnismarkaði og þú getur valið þér hagstæðan söluaðila hér á síðunni). Meðalheimili notar að jafnaði 5.000 kWst á ári.
Uppgefin verð í samanburðinum að ofan er með 24% virðisaukaskatts (vsk.), en ef um rafhitun í húsi er um að ræða (þá er 11% vsk.).
Til þess að reikna út heildarverð á kWst fyrir bæði dreifingu og sölu á rafmagni þá má nota reiknivél frá Orkusetur: http://orkusetur.is/reiknivelar/raforka/raforkuverd/
Nær öll framleidd orka á Íslandi er endurnýjanleg og þar af leiðandi græn. Hins vegar geta íslensku orku fyrirtækin selt svokallaðar upprunaábyrgðir til annarra landa en fyrirtæki í þeim löndum geta þá sagst vera að nota endurnýjanlega orku. Í staðinn þurfa þessi íslensku orkufyrirtæki að flytja inn orku frá því landi og því getur orkugjafar eins og kjarnorku og kol verið skráð á Ísland.
Í samanburðinum að ofan sést hvaða raforkusalar hafa gefið út sértæka yfirlýsingu um að þeir noti 100% endurnýjanlega orku og selja ekki upprunaábyrgðir til annarra landa (merkt með tveimur laufblöðum) þannig að kjarnorka og kol skráist ekki á reikninga frá orkufyrirtækinu.
Öll orkufyrirtækin veita 100% endurnýjanlega orku á smásölumarkaði en sum fyrirtækin selja einnig til stóriðju og ef upprunaábyrgðir eru seldar á þeim markaði er viðkomandi fyrirtæki merkt með einu laufblaði.
Eitt af markmiðum Aurbjörg.is er að hjálpa neytendum, heimilum og landsmönnum öllum að spara pening. Rafmagn er hluti af mánaðarlegum kostnaði heimila en með þessum samanburði geta neytendur valið ódýrara rafmagn og þar af leiðandi lækkað kostnað heimilsins.
Þessi samanburður er einnig hugsaður til að vekja athygli neytenda að hægt er að velja hvaðan rafmagn er keypt og til þess að ýta undir samkeppni sem hefur verið af skornum skammti með því að gefa neytendum betra tól til þess að vera virkir neytendur.
Þar að auki er hann einnig hugsaður til að upplýsa neytendur um aðra mikilvæga þætti í tengslum við rafmagn og rafmagnskaup.
Hugbúnaður Aurbjargar er með sjálfvirka daglega vöktun á breytingum hjá öllum raforkufyrirtækjum landsins ✅
Ef raforkusali býður ekki upp á þá þjónustu að koma í viðskipti til þeirra, hér á vefnum, þá þarftu sérstaklega að hafa samband við viðkomandi raforkusala eða einfaldlega velja annan raforkusala sem þú getur skipt yfir hér á vefnum.
