Fangelsi í fjóra mánuði eftir fíkniefnaakstur á Suðurlandi

Héraðsdómur Suðurlands hefur dæmt konu fyrir umferðar- og fíkniefnalagabrot með því að hafa, að morgni þriðjudagsins 11. nóvember 2018, ekið bifreið sinni um Suðurstrandarveg vestan við Hlíðarvatn í Sveitarfélaginu Ölfusi.
Hún var þá svipt ökurétti, ófær um að stjórna bifreiðinni, örugglega vegna neyslu róandi/slævandi lyfja og óhæf til að stjórna bifreiðinni örugglega vegna áhrifa amfetamíns (395 ng/ml í blóði), kókaíns (1305 ng/ml í blóði) og MDMA (445 ng/ml í blóði), en konan missti stjórn á bifreiðinni með þeim afleiðingum að hún hafnaði utan vegar og valt.
Jafnframt er konan dæmd fyrir að hafa umrætt sinn haft í vörslu sinni 1,14 g af kókaíni sem lögregla fann við bifreiðina.
Konan er dæmd fjögurra mánaða fangelsi, óskilorðsbundið og er svipt ökuréttindum ævilangt og gerð voru upptæk 1,14 g af kókaíni.