Hrað- og vímuefnaakstur í borginni
Bifreið var stöðvuð klukkan hálf þrjú í nótt í Austurborginni (hverfi 108) en ökumaður er grunaður um verulega of hraðan akstur. Bifreiðin var mæld á 193 km. hraða en hámarkshraði á þessum veghkafla er 80 km/klst. Vegna ungs aldurs þess er ók bifreiðinni, var foreldum hans og barnavernd gert viðvart um málið.
Rétt fyrir klukkan þrjú í nótt var svo tilkynnt um umferðarslys í úthverfi borgarinnar en þar hafði verið ekið á ljósastaur. Ökumaður er grunaður um akstur undir áhrifum áfengis og er vistaður í fangaklefa í þágu rannsóknar málsins eftir að hafa verið færður til skoðunar á bráðamóttöku.
Fjöldi bifreiða voru stöðvaðar á höfuðborgarsvæðinu í gær þar sem ökumenn eru grunaðir um akstur undir áhrifum fíkniefna og/eða ölvaðir og þar á meðal reyndist einn af ökumönnunum aldrei hafa öðlast ökuréttindi. Bifreið var stöðvuð í gærdag í Vallarhverfi í Hafnarfirði en ökumaður er grunaður um of hraðan akstur, en bifreiðin var mæld á 151 km/klst. en hámarkshraði á þessum vegkafla er 80 km/klst.
Þá var óskað eftir aðstoð í verslun í miðbænum vegna slagsmála, þá var einnig tilkynnt um líkamsárás í miðbænum.
