-2.2 C
Reykjavik
Miðvikudagur - 1. febrúar 2023
Auglýsing

Lægð milli Írlands og Íslands, nálgast

Auglýsing

Auglýsing

Nýjar fréttir

Auglýsing

Hugleiðingar veðurfræðings

Dagurinn byrjar rólega, hæg breytileg átt og víða bjart með köflum. Lægð milli Írlands og Íslands, sem er á norðurleið, nálgast austurhluta landsins og veldur þar vaxandi norðanátt með rigningu og slyddu eftir hádegi. Hiti frá einu stigi fyrir austan til 10 stiga syðst. Minnkandi úrkoma og vindur á norðaustanverðu landinu á morgun en annars austlæg eða breytileg átt og yfirleitt léttskýjað. Svo kemur ný lægð frá suðvestri um kvöldið með vaxandi suðaustanátt Suðvestanlands. Hiti breytist lítið.

Á miðvikudag verður stíf suðaustanátt með rigningu Sunnan- og Vestanlands en bjart og þurrt norðantil. Hiti 6 til 12 stig yfir daginn.

Veðuryfirlit
300 km SV af Færeyjum er 997 mb lægð sem þokast N, en á Grænlandshafi er nærri kyrrstæð 1000 mb lægð sem grynnist smám saman. Skammt NA af Nýfundnalandi er 994 mb lægð á NA-leið.
Samantekt gerð: 18.04.2022 07:38.

Veðurhorfur á landinu
Norðlæg átt 5-13 m/s seinnipartinn og rigning eða snjókoma með köflum austanlands, annars yfirleitt þurrt. Hiti 1 til 11 stig yfir daginn, mildast sunnantil.

Dregur úr vindi á morgun og styttir smám saman upp um landið norðaustanvert. Víða léttskýjað á Suður- og Vesturlandi, en snýst í vaxandi suðaustanátt annað kvöld og þykknar upp.

Veðurhorfur á höfuðborgarsvæðinu
Norðvestan 3-8 m/s og bjart með köflum. Hiti 5 til 10 stig yfir daginn. Hægviðri og léttskýjað á morgun, en vaxandi suðaustanátt og þykknar upp annað kvöld.
Spá gerð: 18.04.2022 10:20. Gildir til: 20.04.2022 00:00.

Veðurhorfur á landinu næstu daga
Á miðvikudag:
Austan og suðaustan 10-18 m/s og rigning með köflum, einkum sunnantil, en hægari og þurrt að kalla á Norður- og Austurlandi. Hiti 3 til 10 stig. Dregur úr vindi seinnipartinn.

Á fimmtudag (sumardagurinn fyrsti) og föstudag:
Austan og suðaustan 3-10 og víða bjartviðri, en skýjað með köflum með suður- og austurströndinni. Hiti 5 til 13 stig.

Á laugardag og sunnudag:
Fremur hæg breytileg átt og skýjað með köflum. Kólnar heldur.