8.8 C
Reykjavik
Sunnudagur - 5. febrúar 2023
Auglýsing

Ríkið leitar að horfnum fiski fyrir kvótaþega og veðhafa

Auglýsing

Auglýsing

Nýjar fréttir

Auglýsing

Bankarnir tóku veð í sameign þjóðarinnar – ,,Hefðu alveg eins getað tekið veð í ,,Norðurljósunum”

Fyrir nokkrum árum var ekki einn stakur makríll á fiskimiðunum við Ísland, en svo breyttust hafstraumar og hitastig, og hér fylltist allt af makríl, og auðvitað var kvótahöfum umsvifalaust gefinn kvóti ,,af sínum mönnum.“ Auðvitað þurfti svo að veðsetja uppsjávarkvótann upp í topp og kaupa risastór skip, en nú eru veðin horfin. Það gleymdist nefnilega að setja það inn í excel forritin á skrifstofum í 101 Reykjavík að fiskar hafa sporð og geta synt í burtu, – mjög hratt.

Makríll er flökkufiskur, kemur og fer en er ekki bundinn við bás, gráðugir veðhafar hefðu átt að kynna sér það. Jafvel mun ekki sjást hér makríll aftur næstu 50 eða 500 árin? Hvar er loðnan sem hefur ekki sést hér undanfarin ár? Humarinn er líka horfinn vegna kvótakerfisins! Fiskar hafa heldur ekki hugmynd um það að búið sé að veðsetja þá og hvað þá að einhverjir krakkar sem aldrei hafa mígið í saltan sjó, geti erft sig með húð og hári. 

Jón Gunnarsson frkv.stj. skrifar

Nú borga skattgreiðendur fyrir 23 daga leiðangur og 4.100 sjómílur eða um 7.500 km rall með 23 manna áhöfn, á risa skipi, í boði skattgreiðenda. Ferð sem er farin er í mikilli örvæntingu til að finna veðin fyrir bankana, veð sem hafa horfið.

Rannsaka á hvert veðin fóru (syntu) og helst að reyna að finna þau, hvar sem þau eru? Það voru nefnilega einhverjir svo heimskir í 101 Reykjavík að taka veð í fiski sem getur synt til annara landa og horfið algerlega héðan aftur, miklu hraðar en hann birtist. Veð í fiski eru ólík veði í niðursteyptum fasteignum.

Lög um stjórn fiskveiða 1. grein – Þjóðin á fiskinn sem útgerðarmenn og bankar og braskarar hafa veðsett

Meira að segja tóku þessir sömu kjánar veð í fiski sem sá sem kvíttaði upp á veð- lánið, á ekkert í. Bankarnir tóku nefnilega veð í eign sem er sameign þjóðarinnar, sem á fiskinn í sjónum, og sitja núna uppi með 100% ónýt veð. Það kemur fram í 1. grein laga um fiskveiðar að þjóðin á fiskinn, ekki sá sem veðsetti hann. Það getur enginn veðsett þjóðareignir, eins og t.d. Eldey, Snæfellsjökul, Herðubreið eða fisk sem syndir í sjónum, hvað þá fugla, gæsir og rjúpur. Margir verða af aurum apar og ef einhver er svo heimskur að taka veð í einhverju sem sá sem selur honum veðið á ekki, þá er það alfarið á ábyrgð þess sem tók veð í því, sá hinn sami hefði eins getað tekið veð í ,,Norðurljósunum.“ 😀

Þá blasir það við öllum sem eitthvað vit hafa á sjávarútvegi að kvótakerfið til 38 ára er handónýtt og búið er að rústa flestum fiskistofnum á Íslandi enda kerfið gert til þess að vernda braskara en ekki fiskinn í sjónum. Þjóðin sem á auðlindina fær ekki einu sinni veiðigjöld til þess að standa undir kostnaði við mest ríkisstyrkta sjávarútveg í heimi og versta kvótakerfi sem hefur verið fundið upp í veröldinni :

Rannsóknaskipið Árni Friðriksson fór úr höfn í byrjun mánaðarins í árlegan svokallaðan uppsjávarvistkerfisleiðangur í Norðurhöf og er þetta er tólfta árið í röð sem Hafrannsóknastofnun tekur þátt í leiðangrinum ásamt skipum frá Noregi, Færeyjum og Danmörku. Minnkunin nær yfir hafsvæði innan vesturhluta grænlensku landhelginnar og Íslandsdjúps.

Eitt af meginmarkmiðum verkefnisins er að meta magn og útbreiðslu makríls, kolmunna og norsk-íslenskrar síldar í norðaustur Atlantshafi að sumarlagi. Í leiðangrinum verður einnig aflað gagna sem nýtast við fjölbreyttar rannsóknir á ýmsum þáttum vistkerfisins frá frumframleiðni sjávar til útbreiðslu hvala.

Leiðangurinn á Árna stendur í 23 daga og verða sigldar tæplega 4100 sjómílur eða um 7500 km. Um borð eru 6 vísindamenn og 17 manna áhöfn. Eins og fyrri ár mun leiðangursfólkið halda úti bloggi þar sem hægt verður að fylgjast með rannsóknum um borð og daglegu lífi. Bloggið er á slóðinni: pelagicecosystemsurvey.wordpress.com

https://www.ruv.is/frett/2021/07/18/makrill-lodna-og-islensk-sild-sjast-i-leidangrinum