Eldur kveiknaði í verslun Samkaupa við Byggðaveg á Akureyri á tíunda tímanum í morgun og var einn starfsmaður fluttur á slysadeild vegna gruns um reykeitrun.
Varðstjóri hjá Slökkviliðinu á Akureyri segir í viðtali við ríkisútvarpið, að eldurinn hafi kviknað í tækjaskáp og starfsfólki hafi tekist að slökkva hann.
Mikill reykur var í versluninni og þurfti slökkvilið að reykræsta húsið. Varðstjóri þakkar snarræði starfsfólks að ekki fór verr.
Umræða
