-3.2 C
Reykjavik
Miðvikudagur - 8. febrúar 2023
Auglýsing

Samþykkt tillaga um breytingu á aksturþjónustu fatlaðra í Hafnarfirði

Auglýsing

Auglýsing

Nýjar fréttir

Auglýsing

Fjölskylduráð samþykkir framlagða tillögu um breytt fyrirkomulag á aksturþjónustu fatlaðra þar sem horfið verður frá samstarfi við önnur sveitarfélög á höfuðborgarsvæðinu að Kópavogi undanskildum. Skipaður verður starfshópur með aðkomu notenda til að undirbúa útboð á þjónustunni. Tillögunni er vísað til afgreiðslu í bæjarstjórn.
Fjölskylduráð samþykkir tillöguna með fjórum atkvæðum, einn á móti.
Fulltrúi Samfylkingarinnar styður ekki framlagða tillögu. Frá því samstarf sveitarfélaga á höfuðborgarsvæðinu um ferðaþjónustu fatlaðs fólks hófst árið 2014 hefur þjónustan aukist og þróast. Þekking á þjónustunni hefur aukist og mikil vinna hefur fram við undirbúning útboðs. Engin trygging er fyrir því að Hafnarfjarðarbæ muni bjóðast betri kjör í útboði á eigin vegum.
Ekkert sjálfstætt mat hefur farið fram hjá Hafnarfjarðarbæ á því hvort það muni reynast hagkvæmara fyrir bæinn að fara í sjálfstætt útboð á þessari mikilvægu þjónustu. Mikilvægast er að halda áfram að þróa og efla þjónustuna og tryggja samræmingu og samfellu í henni.
Fulltrúi Viðreisnar í Fjölskylduráði bókar svohljóðandi. Viðreisn telur mikilvægt að Hafnarfjarðarbær hafi þarfir notenda ferðaþjónustunnar ávallt að leiðarljósi, óháð rekstrarformi þjónustunnar. Við teljum að ákveðin tækifæri felist í því að sinna þessari mikilvægu þjónustu sjálf, með náinni samvinnu við notendur þegar kemur að þróun þjónustunnar til framtíðar. Samtal og samstarf við notendur þjónustunnar er lykilatriði. Fulltrúi Viðreisnar tekur því undir bókun ráðsins.
Áheyrnarfulltrúi Bæjarlistans styður tillögu meirihlutans að bærinn sjái sjálfur um akstursþjónustu fatlaðra.