Vistmaður í fangelsinu Sogni í Ölfusi fannst látinn seint á fimmtudagskvöld. Ekki er talið að andlátið hafi borið að með saknæmum hætti. Þrátt fyrir það rannsakar lögregla málið. Þetta staðfestir Páll E. Winkel fangelsismálastjóri.
Hann segir að í kjölfar andlátsins hafi föngum og fangavörðum verið boðið upp á viðeigandi aðstoð.
Morgunblaðið greindi fyrst frá andlátinu. Samkvæmt heimildum blaðsins hlaut hinn látni fjórtán ára fangelsisdóm í Landsrétti árið 2019 fyrir að hafa ráðið bróður sínum bana í mars ári áður.
Hinn látni hét Valur Lýðsson og var 73 ára gamall. Héraðsdómur hafði dæmt hann í sjö ára fangelsi, en Landsréttur þyngdi dóminn í fjórtán ár, vegna manndrápsins sem átti sér stað á bæ í Árnessýslu.
Umræða