Árið 2019 gengu Björk Guðmundsdóttir tónlistarkona og Greta Thunberg í lið með Katrínu Jakobsdóttur, forsætisráðherra Íslands, til að lýsa yfir neyðarástandi í loftslagsmálum. Það var ráðstöfun sem þær vonuðu að myndi knýja fram opinber viðbrögð frá stjórnvöldum.
En þegar allt kom til alls flúði Katrín Jakobsdóttir frá þessu verkefni. „Ég treysti henni svolítið, kannski vegna þess að hún var kona – og svo fór hún og hélt ræðu og hún sagði ekki eitt orð um málið. Hún minntist ekki einu sinni á það og ég var svo pirruð,“ segir Björk Guðmundsdóttir, nánast með æluna í hálsinum. „Vegna þess að ég var búinn að skipuleggja þetta í marga mánuði.“ Bætti hún við.
Fyrir nokkrum árum hefði hún kannski þagað og haldið sér á mottunni. Nú hafa vonbrigði hennar runnið yfir í gremju – og kannski einhverskonar kulnun á aktívista. Hún segir: „Mig langaði til að styðja hana. Það er erfitt að vera kvenkyns forsætisráðherra; hún er með allt á bakinu. En hún hefur ekki gert neitt fyrir umhverfið.“ Þetta kemur fram í viðtali við Björk í The Guardian í dag í tilefni þess að tíunda sólóplata hennar, Fossora, er að koma út.
Þar ræðir hún meðal annars um móður sína Hildi Rúnu Hauksdóttur, sem lést árið 2018, og umhverfisaktívisma hennar þegar hún ákvað að fara í hungurverkfall árið 2002 til að mótmæla byggingu álvers Alcoa og Reyðarfirði og umhverfisspjöllum sem fylgdu byggingu Kárahnjúkavirkjunnar.
Álverið og stíflurnar voru samt byggðar og síðan þá hefur Björk helgað miklum tíma sínum í að vekja athygli á umhverfisspjöllum. Hún hætti einu sinni við tónleika á Iceland Airwaves hátíðinni til að mótmæla áformum um að reisa meira en 50 stíflur og virkjanir á Ísland. Hún var í viðtali við við David Attenborough fyrir heimildarmynd í sjónvarpi um tónlist og náttúruna. Árið 2019 innihélt tónlistarmyndband skilaboð frá loftslagsbaráttukonunni Gretu Thunberg.
Sem söngvari og lagahöfundur er hlutverk mitt að tjá ferðalag líkama míns eða sálar. Vonandi geri ég það þangað til ég verð 85 ára.
