Þyrla Landhelgisgæslunnar er við Kirkjufell í Grundarfirði þar sem tilkynnt var um slys í fjallinu um fimmleytið.
„Það eina sem ég get sagt er að að þyrla Landhelgisgæslunnar var kölluð út vegna slyss í Kirkjufelli við Grundarfjörð. Þyrlan var á bakaleiðinni frá verkefni á Þórshöfn og er væntanleg á staðinn eftir tæpan hálftíma, eða um hálfsexleytið,“ segir Ásgeir Erlendsson, upplýsingafulltrúi Landhelgisgæslunnar í viðtali við mbl.is sem birti fyrst frétt af málinu.
Björgunarsveitir voru þegar kallaðar út um hálf fjögur vegna slyssins og standa aðgerðir við fjallið enn yfir. Að sögn Slysavarnarfélagsins Landsbjargar er mikill viðbúnaður við fjallið. Heimildir mbl.is herma að um mjög alvarlegt slys sé að ræða. Samkvæmt upplýsingum er um að ræða erlendan karlmann sem var á gögnu í fjallinu sem lenti í slysinu.