Hugleiðingar veðurfræðings
Nú er hann lagstur í ákveðna norðanátt hjá okkur og í grófum dráttum verður sama veður út vikuna. Það snjóar á norðurhelmingi landsins og mesta úrkoman verður um miðbik Norðurlands á utanverðum Tröllaskaga. Sunnantil á landinu verður skýjað með köflum og úrkomulaust að mestu. Það er búist við frosti á öllu landinu. Þó frosttölur á mæli verði yfirleitt ekki háar, getur kuldinn bitið í kinnar í stífri norðanáttinni.
Spá gerð: 20.01.2021 06:47. Gildir til: 21.01.2021 00:00.
Veðuryfirlit
Yfir Norðursjó er víðáttumikil og dýpkandi 978 mb lægð, sem hreyfist lítið. Yfir Grænlandi er 1035 mb hæð.
Samantekt gerð: 20.01.2021 07:30.
Veðurhorfur á landinu
Norðan og norðaustan 10-18 m/s, en sums staðar hvassara í vindstrengjum við fjöll. Snjókoma eða él norðan- og austanlands, en bjart með köflum sunnan heiða. Frost 1 til 7 stig. Norðan 8-15 á morgun og él á norðurhelmingi landsins, en bjart sunnantil. Frost 0 til 4 stig.
Spá gerð: 20.01.2021 05:24. Gildir til: 21.01.2021 00:00.
Veðurhorfur á höfuðborgarsvæðinu
Norðan 8-15 m/s, en hvassara á Kjalarnesi. Skýjað með köflum og frost 0 til 5 stig.
Spá gerð: 20.01.2021 05:23. Gildir til: 21.01.2021 00:00.
Veðurhorfur á landinu næstu daga
Á fimmtudag:
Norðanátt, víða 10-15 m/s, en sums staðar hvassara í vindstengjum við fjöll. Bjart veður sunnantil á landinu, en él í öðrum landshlutum. Frost 0 til 4 stig.
Á föstudag og laugardag:
Norðan 13-20 og snjókoma eða él, en skýjað með köflum og þurrt að kalla sunnan heiða. Frost 0 til 5 stig.
Á sunnudag:
Norðan 8-15 og dálítil él, en léttskýjað sunnan- og suðvestanlands. Frost 1 til 8 stig.
Á mánudag:
Norðan 5-13 og víða dálítil él, en austlægari sunnanlands og líkur á snjókomu þar. Frost 2 til 10 stig.
Á þriðjudag:
Ákveðin austlæg átt og snjókoma með köflum, en hægari vindur og úrkomulítið á Norður- og Austurlandi. Áfram kalt í veðri.
