-0.2 C
Reykjavik
Laugardagur - 4. febrúar 2023
Auglýsing

Kínverjar hafa áhuga á orkuauðlindum Íslands

Auglýsing

Auglýsing

Nýjar fréttir

Auglýsing

,,Þökk sé hlýnun jarðar, þá bráðnar ísskautið hratt og opnar möguleika á „norðurleiðum“ 

Dagblaðið China daily birti athygliverða grein um áhuga Kína á orkumálum á norðurslóðum

Norðurskautsríki skipta miklu máli og Kína er „nágranni“ norðurskautsríkjanna og því hefur Kína áhuga á þessum málefnum og það er Bandaríkjunum ekki að skapi.

Norðurlandaráðs- þingmenn hafa sýnt lítinn áhuga á svæðinu og Evrópusambandið, kannski vegna þess að þeir eru ekki einu sinni áheyrnarfulltrúar í Norðurskautsráðinu. Kína er áheyrnarfulltrúi í Norðurskautsráðinu. Norðurskautið er afar mikilvægt, meðal annars vegna náttúrunnar, viðskipta, fjárfestinga, orku og öryggis. Þar er áætlað að fá fjórðung af olíu og jarðgasi heimsins.

Kína hefur algerlega skýra norðurslóðastefnu, sem lýst var í hvítbók Kína, sem gefin var út í janúar 2018, undir nafninu „Polar Silk Road“.

Þökk sé hlýnun jarðar, þá bráðnar ísskautið hratt og opnar möguleika á „norðurleiðum“ í gegnum norðvestur, mið- og norðaustur. Sendingartími milli Kína og Evrópu um heimskautið verður miklu styttri en núverandi leið, í gegnum Indlandshaf og Súesskurðinn. Þrátt fyrir að þetta þýði ekki að „norðurleiðin“ muni alfarið taka við sem siglingaleið, þá táknar sú greiða leið, ný og spennandi tækifæri fyrir Kína.

Einkum í viðskiptum með orku og jarðefni og viðskipti með hreinu orku. Til dæmis, er Ísland ríkt af hreinni orku sem er staðreynd sem hefur vakið mikla athygli í Kína. Árið 2018 skrifaði Sinopec Green Energy undir samning við Arctic Green Energy á Íslandi, sem virðist vera einn stærsti samningur í sögu Íslands, sem var gerður til þess að virkja jarðvarmaorku í Kína, sem er hrein orka og hjálpar til við að draga úr mengun.

Kína og Ísland hafa verið aðilar að fríverslunarsamningi frá árinu 2013 og samningaviðræður eiga sér stað á svipaðan hátt, milli Kína og Noregs. Ísland og Noregur eru rík lönd af orku og fiski.
Hinumegin Norður-Atlantshafsins er Kanada, ríkt af jarðefnum sem að gæti fært kínverskum fjárfestum einnig mikil viðskipti. Rannsóknir á norðurslóðum eru grundvallaratriði til þess að skilja og takast á við loftslagsbreytingar.
Kína verður að efla samvinnu við Rússland
Svæðið Yamalo-Nenets í Vestur-Síberíu þar sem að búa hálf milljón manns, framleiðir um 90 prósent af gasi Rússlands og þar er verulegur hluti af olíulindum Rússlands. Meiri olía og gas eru fáanleg í norðvestur hlutanum og undan ströndum Rússlands. Samkvæmt rannsókn Bandaríkjanna, má finna 30 prósent af óuppgötvuðu gasi heims og 13 prósent af olíu á Norðurskautssvæðinu.
Norðvestanlega í Síberíu, þar sem hitastig lækkar í mínus 50 gráður á Celsíus á veturna er framleitt gas frá Yamal, sem að getur náð til kínverskra hafna með tveggja vikna siglingu. Sem er helmingur þess tíma sem þarf, til að ná í gas frá Mið-Austurlöndum gegnum Súesskurðinn til Kína. Verksmiðjan hóf starfsemina árið 2017, þar sem Novatek í Rússlandi hélt á 50,1 prósent hlutum en Kína National Petroleum Corporation á 20 prósent, Silk Road sjóðurinn á 9,9 prósent og 20 prósent eiga frakkar. Novatek veitir Gazprom samkeppni, sem er markaðsráðandi og sérhæfir sig í vinnslu eldsneytis á Yamal svæðinu.
Viðræður eru um að byggja „Yamal Arctic LNG 2“, aðra risastóra verksmiðju. Og CNPC er einn af samstarfsaðilum fyrirhugaðs verkefnis, sem hefur vakið athygli helstu alþjóðlegra orkufyrirtækja eins og Total, Mitsubishi og Saudi Aramco, sem undirrituðu í febrúar 2018 samstarfssamning við Novatek.

Auðlindir á Norðurskautssvæðinu munu umbreyta hagkerfinu í orkumálum. Með öðrum orðum, meðan að Rússar leita að nýjum tækifærum til að efla enn frekar hlutverk sitt sem orkuframleiðendur, eru auðlindirnir á Norðurskautssvæðinu, orkuframleiðsla fyrir hagkerfi evrópu.

Kínversk fyrirtæki eru nú þegar að fjárfesta á Grænlandi, sem er land, ríkt af jarðefnum eins og t.d. úrani. Árið 2016 keypti Shenghe Resources, kínverskt fyrirtæki, 12,5 prósent hlut í Kvanefjeldi á Grænlandi sem er um jarðefna verkefni – og fleiri tækifæri. Mikilvægi norðurskautsins vegna orku þess, er að vaxa. Rússland og Kína hafa aukið samvinnu sína um svæðið. En Bandaríkin hafa ekki lagt mikla áherslu á Norðurskautssvæðið.