-3.2 C
Reykjavik
Miðvikudagur - 1. febrúar 2023
Auglýsing

Banaslysið við Landeyjarhafnarveg – Farbann framlengt

Auglýsing

Auglýsing

Nýjar fréttir

Auglýsing

Al­var­legt um­ferðarslys varð þann 16 maí s.l. á Suður­lands­vegi við af­leggj­ar­ann að Land­eyj­ar­hafn­ar­vegi. Einn ein­stak­ling­ur lést við árekst­ur­inn og þrír aðrir voru flutt­ir með þyrlu Land­helg­is­gæsl­unn­ar á slysa­deild í Reykja­vík.
Í Landsrétti hefur farbann verið framlengt yfir ökumanni bílsins sem að talinn er hafa ekið yfir á rangan vegarhelming og framan á bíl sem kom á móti, með þeim afleiðingum að kona sem ók bílnum sem á móti kom, lét lífið í árekstrinum. Sá sem er í farbanni er frá Bandaríkjunum og neitar sök, þrátt fyrir sterkar vísbendingar um sekt skv. rannsóknargögnum, íslenskra og erlendra sérfræðinga.
Í kröfu lögreglustjóra, samkvæmt rannsóknargögnum, hafi ökumaður bílsins, ekið austur veginn en bifreiðinni hafi verið ekið í gagnstæða átt. Er bifreiðarnar hafi mæst á veginum hafi þær skollið saman af miklu afli með þeim afleiðingum að ökumaður hinnar bifreiðarinnar hafi hlotið fjöláverka og látist nær samstundis og var hún ein í bílnum.-.
Ölumaðurinn sem nú er í farbanni, mun hafa hlotið minniháttar áverka en hann var fluttur af slysavettvangi með þyrlu til skoðunar á slysadeild LSH ásamt tveimur félögum sínum sem voru með honum í bifreiðinni.
Í skýrslutöku hjá lögreglu hafi maðurinn greint frá því að hann hafi ekið austur Suðurlandsveg umrætt sinn. Hann hafi snætt hádegisverð á veitingastað. Eftir það hafi hann ekið af stað og ferðinni verið heitið að Jökulsárlóni.
Hann hafi verið búinn að aka í um eina klukkustund er slysið átti sér stað. Hann var ekki viss um ökuhraða sinn í aðdraganda slyssins en hann hafi líklega verið á 70-80  km hraða. Um aðdraganda slyssins hafi varnaraðili sagt að hann hafi skyndilega séð bifreið fyrir framan sig á veginum. Allt hafi gerst hratt, það hafi orðið högg og hann muni að bifreið hans hafi snúist og loftpúðar sprungið út.
Hann hafi sagst hafa ekið á sínum vegarhelmingi en bifreiðin sem á móti kom hafi virst stjórnlaus og komið yfir á hans vegarhelming og hann hafi ekki getað forðað árekstri þar sem þarna sé brú á veginum. Hann sagðist ekki hafa vera valdur að slysinu.
Vitnaskýrslur hafi verið teknar hjá lögreglu af þeim félögum mannsins. Annar þeirra sagðist hafa setið í hægra aftursæti og hann hafi verið sofandi er áreksturinn varð. Hinn sagðist hafa verið farþegi í framsæti bifreiðarinnar en hann hafi líkt og félagi hans afturí. verið sofandi er áreksturinn átti sér stað.
Þeir hafi báðir hlotið minniháttar áverka. Þá var rætt við tvo vegfarendur á vettvangi slyssins sem sögðust hafa ekið á undan bifreiðinni austur Suðurlandsveg. Annað vitnanna, hafi sagst hafa séð í baksýnisspegli bifreiðar sinnar er áreksturinn varð. Hann hafi sagst ekki geta sagt til um hvorum megin á veginum áreksturinn hafi orðið.
Rannsókn málsins er viðamikil en reynt hefur verið að hraða henni sem kostur er. Vegna eðlis og alvarleika málsins hafi lögregla þurft að kalla til sérfróða aðila til að annast hraðaútreikninga, bíltæknirannsókn og réttarlæknisfræðilega skoðun. Þá hafi tæknideild LRH annast ítarlega vettvangsrannsókn á slysstað.
Niðurstaða bíltæknirannsóknarinnar sé sú að orsök slyssins verði ekki rakin til ástands ökutækjanna sem hafi lent í árekstrinum og engin ummerki bilunar eða skyndibilunar hafi fundist í hvorugu ökutækinu. Þá hafi það verið niðurstaða rannsóknarinnar á höggstefnu og stefnu í aflögun ökutækjanna ásamt uppstillingu þeirra að annað ökutækið hafi stefnt í áttina aðhinu í aðdraganda árekstrarins og hafi árekstrarhornið verið 8-12° frávik frá beinni stefnu. Hafi niðurstaðan því verið sú að varnaraðili hafi ekið bifreið sinni inn á öfugan vegarhelming og í veg fyrir hina bifreiðina, í öfugri akstursstefnu við hana, með þeim afleiðingum að árekstur hafi orðið þar sem ökumaður hinnar bifreiðarinnar hafi látist.
Sem áður segi beri varnaraðili í skýrslu hjá lögreglu að hann hafi ekið á réttum vegarhelmingi er áreksturinn hafi orðið. Ljóst sé að sá framburður hans sé ekki í samræmi við ummerki á vettvangi og rannsóknargögn lögreglu hvað það varðar, þ.á m. framangreindar niðurstöður bíltæknirannsóknar.
Varnaraðili sé bandarískur ríkisborgari, búsettur í Bandaríkjunum og hafi komið hingað til lands sem ferðamaður þann 14. maí sl. Hann muni hafa gert ráð fyrir að yfirgefa landið þann 19. maí sl. Varnaraðili eigi engin tengsl við Ísland að öðru leyti. Lögreglustjóri telji m.a. með vísan til framburðar varnaraðila hjá lögreglu þar sem hann neiti sök og framburður hans sé í veigamiklum atriðum í ósamræmi við önnur rannsóknargögn lögreglu um atvik slyssins, að leiða megi líkur að því að varnaraðili kunni að reyna að leynast eða koma sér með öðrum hætti undan málsókn eða fullnustu refsingar ef til þess kemur.
Með vísan til framangreinds telji lögreglustjóri varnaraðila vera undir rökstuddum grun um að hafa valdið mannsbana af gáleysi, sbr. 215. gr. almennra hegningarlaga nr. 19/1940, sem varðað geti allt að 6 ára fangelsi. Auk þess sé varnaraðili sterklega grunaður um brot á 1. mgr. 14. gr., 1. mgr. 19. gr. og 1. mgr. 36. gr.  umferðarlaga nr. 50/1987 og ef til vill fleiri ákvæðum þeirra laga en refsing við broti á þeim lögum geti varðað allt að tveggja ára fangelsi. Varnaraðili njóti réttarstöðu sakbornings við rannsókn lögreglu í framangreindu máli.
Með hliðsjón af alvarleika þeirra brota sem varnaraðila séu gefin að sök teljist að mati lögreglu uppfyllt skilyrði til að honum verði bönnuð för af landinu á meðan mál hans er til meðferðar hjá lögreglu og eftir atvikum dómstólum, enda megi eins og áður segir ætla að hann muni reyna að komast úr landi eða leynast ellegar koma sér með öðrum hætti undan málsókn eða fullnustu refsingar.