Einn heppinn miðahafi fær rúmlega 19,5 milljónir króna í vinning í Lottó í kvöld en sá heppni keypti miðann sinn á lotto.is. Þá var einn áskrifandi með bónusvinninginn og hlýtur hann rétt tæplega 457 þúsund krónur í sinn hlut.
Einn heppinn áskrifandi var svo með allar tölur réttar í réttri röð í Jóker í kvöld og hlýtur hann 2 milljónir króna í vinning. Sex voru með fjórar réttar tölur í réttri röð í Jóker og fá þeir 100 þúsund krónur hver. Miðarnir voru keyptir í Jolla í Hafnarfirði, Skalla í Hraunbæ, Happahúsinu í Kringlunni, á lotto.is og tveir eru í áskrift. Heildarfjöldi vinningshafa var 5.500.
