Mannslát, fjöldi stungu­áverk­a – Meintir gerendur á táningsaldri

Maður­inn sem lést í átök­um á bíla­stæði Fjarðar­kaupa var með fleiri en einn stungu­áverka að sögn Gríms Gríms­son­ar yf­ir­manns miðlægr­ar deild­ar lög­regl­unn­ar á höfuðborg­ar­svæðinu í viðtali við Morgunblaðið.

Lög­regl­an yf­ir­heyr­ir nú fjóra ein­stak­linga sem hand­tekn­ir voru en hinn látni er á þrítugs­aldri. Samkvæmt samtali við Grím Grímsson í kvöldfréttum kom fram að meintir gerendur séu á aldrinum 17 til 19 ára. Aðilar eru allir sagðir vera Íslendingar.

Grím­ur seg­ir að verið sé að kanna hvers kon­ar eggvopn var notað til verknaðar­ins. Þá sé ætl­un lög­reglu að skoða eft­ir­lits­mynda­vél­ar og hvort mynd­efni úr þeim geti varpað frek­ara ljósi á málið að sögn Gríms. Hann seg­ir enn frem­ur að vitni hafi orðið að árás­inni og ábend­ing um átök­in hafi borist frá veg­far­anda.