Bifreið stöðvuð eftir hraðamælingu 156/80 km/klst., Kringlumýrarbraut, hverfi 105. Ökumaðurinn ( 17 ára ) vildi ekki tjá sig um sakarefnið og var hann færður á lögreglustöð þar sem hann var sviptur ökuréttindum. Forráðamaður ökumannsins mætti á lögreglustöð og sótti drenginn.
Um sama leiti var tilkynnt um fólk að nota fíkniefni í kyrrstæðri bifreið, bifreiðastæði í Hafnarfirði. Á vettvangi voru fimm ungir menn sem viðurkenndu neyslu fíkniefna en voru búnir með efnin. Ungu mennirnir voru allir eldri en 18 ára.
Um átta leitið í gærkvöld var tilkynnt um strandaðan bát við Álftanes báturinn var ekki talinn í hættu. ( Lítil trilla undir 6m.) Björgunarsveitin var ræst út og mættu þeir með bátaflokk. Báturinn var laus og kominn að bryggju uþb. 1 ½ klst. síðar.
Umræða
