Stefán Karl Stef­áns­son lát­inn

Stefán Karl Stef­áns­son lát­inn

Stefán Karl Stef­áns­son, leikari, er lát­inn eft­ir tveggja ára bar­áttu við ill­vígt gall­gangakrabba­mein. Stein­unn Ólína Þor­steins­dótt­ir, eig­in­kona Stef­áns Karls, grein­ir frá þessu á Face­booksíðu sinni nú seinni partinn.
Stefán Karl greind­ist með krabba­mein í bris­höfði haustið 2016. Hann var fædd­ur 10. júlí 1975 og varð því 43 ára gam­all.

Stefán Karl var þekkt­­ur fyr­ir leiklist sína og m.a. á leik sínum sem Gl­anna glæp í Lata­bæ en hann lék einnig í fjölda annarra verka.
Hann út­skrifaðist úr Leik­list­ar­skóla Íslands árið 1999.
Hann og Hilm­ir Snær Guðna­son vöktu mikla at­hygli fyr­ir leik­ritið „Með fulla vasa af grjóti“. sem var sýnt árin 2000, 2002 og 2017.
Stefán Karl barðist kröftuglega gegn einelti árið 2002 og hélt fjölda fyr­ir­lestra í skól­um og hann lýsti einnig á opinskáan hátt reynslu sinni af einelti, bæði sem þolandi og ger­andi.
Guðni Th. Jó­hann­es­son, for­seti Íslands, sæmdi Stefán Karl ridd­ara­krossi hinn­ar ís­lensku fálka­orðu 17. júní. Var hún veitt fyr­ir fram­lag hans til ís­lenskr­ar leik­list­ar og sam­fé­lags.