Gæsluvarðhald vegna heimilisofbeldis og frelsissviptingar

Karlmaður um fertugt var í dag í héraðsdómi Reykjavíkur úrskurðaður í fimm daga gæsluvarðhald, eða til 27. janúar, á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á heimilisofbeldi og frelsissviptingu í Reykjavík í gær.
Rannsókn málsins miðar vel, en ekki er unnt að veita frekari upplýsingar um gang hennar að svo stöddu.

Þá voru Þrír karlar á þrítugsaldri úrskurðaðir í dag í héraðsdómi Reykjavíkur í vikulangt áframhaldandi gæsluvarðhald, eða til 29. janúar, á grundvelli rannsóknarhagsmuna að kröfu Lögreglunnar á höfuðborgarsvæðinu í þágu rannsóknar hennar á líkamsárás í miðborg Reykjavíkur í síðustu viku.

Rannsókn málsins miðar vel, en ekki er unnt að veita frekari upplýsingar um gang hennar að svo stöddu.