Hugleiðingar veðurfræðings
Yfir landinu liggur hægfara háþrýstisvæði yfir helgina og vindar eru því almennt hægir og léttskýjað víðast hvar, en sums staðar þokuloft víð sjávarsíðuna. Lægðardrag vestur af landinu veldur þó austanstrekkingi við suðuströndina framan af degi og sums staðar lítilsháttar vætu vestanlands. Fremur hlýtt veður yfir daginn, en líkur á að hitaútgeislun yfir nóttina valdi næturfrosti inn til landsins. Lítur út fyrir kólnandi veður eftir helgi og vætu með köflum er líður á vikuna.
Veðurhorfur á landinu
Suðaustlæg átt, 3-8 m/s, en 8-13 syðst. Skýjað og sums staðar lítilsháttar væta, en léttskýjað norðaustantil og þokubakkar við ausutrströndina. Birtir víða til í dag, en áfram skýjað við suður- og vesturströndina. Hiti 8 til 15 stig, hlýjast norðaustanlands, en líkur á næturfrosti. Hæg suðlæg eða breytileg átt og víða léttskýjað á morgun, en sums staðar skýjað við sjávarsíðuna. Heldur svalara.
Veðurhorfur á landinu næstu daga
Á laugardag:
Hæg breytileg átt, yfirleitt léttskýjað og hiti 8 til 14 stig, en sums staðar skýjað og mun svalara við ströndina.
Á sunnudag:
Hæg vestlæg eða breytileg átt og skýjað með köflum, en léttskýjað sunnanlands. Hiti 4 til 13 stig, hlýjast syðst.
Á mánudag:
Hægir vindar, skýjað að mestu skýjað og úrkomulítið og kólnar í veðri.
Á þriðjudag:
Suðvestlæg eða breytileg átt og rigning eða slydda víða um land. Hiti 1 til 6 stig.
Á miðvikudag og fimmtudag:
Útlit fyrir breytilega átt, smá skúrir eða él víða um land og fremur svalt í veðri.