Klukkan 20:40 í gærkvöld var tilkynnt um umferðaróhapp í Ártúnsbrekku. Dekk losnaði undan bifreið og skoppaði dekkið niður Ártúnsbrekkuna án þess að lenda á ökutæki. Einn felguboltinn sem losnaði er dekkið fór undan bifreiðinni skall í framrúðu bifreiðar sem ók þar hjá og brotnaði framrúðan. Ökumenn fylltu út tjónstilkynningu og Vaka sá um að fjarlægja bifreiðina.
Tilkynnt um slys í efri byggðum borgarinnar í gærkvöld. Kona hafði kastast af hestbaki og lenti á höfðinu. Hún kenndi eymsla í hálsi og var flutt með sjúkrabifreið á Bráðadeild til aðhlynningar.
Hálf fjögur í nótt var bifreið stöðvuð á Suðurlandsvegi. Tveir aðilar voru handteknir, grunaðir um akstur bifreiðar undir áhrifum fíkniefna og voru þeir vistaðir fyrir rannsókn máls í fangageymslu lögreglu. Þeir eru grunaðir um að hafa skipst á sætum er lögregla stöðvaði bifreiðina.
Umræða
