-0.2 C
Reykjavik
Þriðjudagur - 31. janúar 2023
Auglýsing

Morðin í Útey í nafni öfgasinnaðrar hægri- þjóðernisstefnu

Auglýsing

Auglýsing

Nýjar fréttir

Auglýsing

Gro Harlem Brundland. Skjáskot rúv.is

Vonaðist til að fleiri ráðherrar jafnaðarmanna myndu falla í árásinni

Tíu ár eru í dag frá hryðjuverkaárásunum í Útey og Ósló. Árásarmaðurinn var Anders Behring Breivik, 32 ára sem styður öfgasinnaða hægri stefnu, svokallaða þjóðernisstefnu.  Áður en hann hóf fjöldamorðin, birti hann 1500 blaðsíðna hægri stefnuyfirlýsingu á netinu.

Um tveimur tímum síðar hóf hann skotárás á börn og ungmenni í Útey, á samkomustað ungliðahreyfingar norska Verkamannaflokksins. Hann skaut þar 69 til bana og særði enn fleiri.

Við rannsókn málsins kom í ljós að Breivik ætlaði sér að myrða Gro Harlem Brundland fyrrverandi forsætisráðherra sem var í Útey, skömmu áður en hann kom þangað og Jens Stoltenber forsætisráðherra í sprengjutilræðinu í Osló og vonaðist til að fleiri ráðherrar jafnaðarmanna myndu falla í sprengjuárásinni.

En rót glæpsins var hatur Breiviks á jafnaðarmönnum sem hann telur undirlátssama við fjölþjóðamenninguna,  í nafni öfgasinnaðrar hægri- þjóðernisstefnu.

Katrín Jakobsdóttir

Katrín Jakobsdóttir lét eftirfarandi orð falla í dag um málið ,,Fjöldamorðin í Útey voru glæpur gegn mennskunni. Börn og ungmenni létu lífið í nafni öfgasinnaðrar hægri-þjóðernisstefnu. Börn og ungmenni sem öll voru kraftaverk í augum foreldra sinna.

Börn og ungmenni sem voru vitnisburður um fegurð mennskunnar. Nú þegar við minnumst þessara voðaverka þá skulum við sammælast um að standa vörð um mennskuna.

Gleymum aldrei að ekkert dugir gegn slíkum voðaverkum nema samstaða góðra manna um að leyfa þeim ekki að gerast. Það gerum við til að heiðra minningu þeirra sem dóu í Útey en líka til að verja börn og ungmenni dagsins í dag.“

Morðin í Útey í nafni öfgasinnaðrar hægri- þjóðernisstefnu