Íslendingar sagðir fá frítt að borða á fiskideginum mikla með illa fengnum peningum, frá hungruðu fólki í Namibíu
Namibískir fjölmiðlar skrifa um Ísland í Namibian Sun sem er einn af stærstu miðlunum í Namibíu og þar er fjallað um Fiskidaginn mikla á Dalvík þar sem ,,Samherji gefur þjóðinni frítt að borða á meðan 712.138 hungraðir Namibíumenn hafi verið skráðir í mataraðstoð þar í landi.“ Þar segir:
,,Þó Namibíumenn hafi staðið frammi fyrir þurrki, hungri og fátækt í gegnum tíðina, stóð stærsta sjávarútvegsfyrirtæki Íslands, Samherji, þúsundum íbúa þess lands fyrir mikilli veislu með því að gefa fólki frítt að borða á árlegri fiskhátíð vegna ágóðans af milljarða mútugreiðsluhneyksli sem varða stjórnmálin og embættismenn í Namibíu. ,,Heimildir áætla að múturnar sem um ræðir hafi numið allt að 2,5 milljörðum N dala.“
,,Í heimsfrægu viðtali um mútumálið sagðist Jóhannes Stefánsson, íslenski framkvæmdastjóri Samherja í Namibíu, hafa mútað stjórnmálamönnum og embættismönnum í Namibíu í skiptum fyrir að fá frjálsan aðgang að „gullnámu okkar“ í fiskikvóta. Blaðamaður á Íslandi byrjar viðtalsþáttinn með því að vísa til fiskihátíðarinnar á Dalvík, sem er sveitarfélag Dalvíkurbyggðar og fer hátíðin fram árlega í ágúst.“
.
„Aðra helgi í ágústmánuði heldur Samherji stórt partý á Dalvík á Íslandi þar sem þeir fæða þúsundir manna og bjóða öllum á stórtónleika og stórbrotna flugeldasýningu. En langt sunnan við Dalvík er fólk fjársvelt af sama fyrirtæki, við strönd Namibíu. Og það er sama hvaða dagur það er, Samherji er aldrei gefandi neitt eða að skapandi neitt þarna niðri,“segir blaðamaðurinn.
Hann var þar að vísa til Fiskidagsins mikla sem er hátíð sem haldin er annan laugardag í ágúst árlega. Fiskframleiðendur og aðrir félagar í Dalvíkurfélaginu bjóða gestum á sjávarréttarhlaðborð milli 11:00 og 17:00 við höfnina í þorpinu. Hátíðin fer fram 44 km. norður af Akureyri þar sem höfuðstöðvar Samherja eru staðsettar.
,,Atburðurinn er auglýstur sem „rausnarlegt boð“ til að fá sem allra flesta til að borða fisk og njóta góðs dags á Dalvík í boði Samherja. Fyrir viðburðinn 2019, sem haldinn var dagana 8. og 11. ágúst, var tilkynnt að á átta hátíðum þar á undan hafi samtals 200 000 gestir tekið þátt í „þessari stórkostlegu þorpshátíð“.
,,Á meðan þeir njóta ókeypis fiskmáltíða, geta gestir einnig notið ýmiskonar skemmtunar við höfnina og „farið í góðan göngutúr um bæinn“.
Samkvæmt þeim 30 000 skjölum sem WikiLeaks sendi frá sér í síðustu viku greiddi Samherji mútur til stjórnmálamanna og embættismanna í Namibíu í meira en sex ár. Skjölin eru studd með tölvupóstum, innri skýrslum, töflureiknum, kynningum og myndum sem Jóhannes Stefánsson lét í té. Fyrirtækið hefur starfað í Namibíu í næstum áratug með mikinn kvóta í hestamakríl. Það kom inn á markaði í Namibíu eftir að honum tókst ekki að endurnýja kvóta sína í Marokkó og Máritaníu árið 2010.
Fæða Íslendinga á meðan 700.000 Namibíumenn eru svangir
Á þessu ári stendur Namibía frammi fyrir einum versta þurrki í sögu sinni. Óöryggt aðgengi þjóðarinnar að matvælum er áætlað að hafi áhrif á 39% þjóðarinnar og fátæktarmörk ná til 17% þjóðarinnar, sem er talið vera varfært mat á hungri í Afríku (COHA) rannsókn í Namibíu.
Núverandi næringarupplýsingar fyrir Namibíu ógna öryggi og framtíð landsins, þar sem kemur fram að fjórðungur barna er vannærður. Einnig var greint frá því í september s.l. í Namibian Sun, að áætlað væri að miklir þurrkar, mundu hafa áhrif á hungraða borgarar landsins sem væru meira en 700.000 manns.
,,Samkvæmt skýrslu sem Saara Kuugongelwa-Amadhila, forsætisráðherra, lagði fram, hafa 712.138 styrkþegar verið skráðir til mataraðstoðar. Á meðan er íslendingum gefið frítt að borða“
Svona er fjallað um Ísland og íslendinga en að sjálfsögðu er rétt að það komi fram að það eru fjölmargir aðrir sem koma að fiskideginum mikla á Dalvík en Samherji og mörg önnur fyrirtæki sem standa veglega að hátíðinni ásamt þúsundum saklausra íslendinga sem eiga ekki skilið svona umfjöllun á erlendri grundu. Utanríkisráðuneytið ætlar að vinna í að koma réttum upplýsingum um málið en ekki hafa enn verið fréttir af því máli.
Svo er fjallað ítarlega um Samherjamálið og farið nákvæmlega yfir allt sem þar hefur komið fram og óþaft er að fara fleiri orðum þar um en orðið er.
https://gamli.frettatiminn.is/2019/11/17/bjarni-benediktsson-sakar-namibisk-stjornvold-um-ad-bera-abyrgd-a-samherjamalinu/