Guðni Th. Jóhannesson sendi samúðarkveðju til Maithripala Sirisena, forseta Srí Lanka

Forseti Íslands Guðni Th. Jóhannesson sendi samúðarkveðju til Maithripala Sirisena, forseta Srí Lanka, og annarra íbúa þar vegna hryðjuverkanna sem framin voru þar í landi.
Sagði forseti í kveðjunni að hugur okkar væri hjá þeim sem misst hefðu ástvini eða orðið fyrir árásum; og að ekkert geti réttlætt slík grimmdarverk.
Jafnframt kvaðst forseti vona að umburðarlyndi í trúarlegum efnum, sem fyrir hendi væri í Srí Lanka, mundi ná að dafna og aukast í framtíðinni.
Þá hefur Katrín Jakobsdóttir, forsætisráðherra, einnig sent Ranil Wickremesinghe, forsætisráðherra Srí Lanka, samúðarkveðju frá ríkisstjórninni og íslensku þjóðinni vegna hryðjuverkanna.