-4.2 C
Reykjavik
Fimmtudagur - 9. febrúar 2023
Auglýsing

RÚV neitar að birta könnun þar sem 61,25% eru fylgj­andi að Ísland fái und­anþágu frá orku­lög­gjöf Evr­ópu­sam­bands­ins

Auglýsing

Auglýsing

Nýjar fréttir

Auglýsing

 

Sam­kvæmt nýrri skoðana­könn­un sem Maskína vann fyr­ir sam­tök­in Heims­sýn dag­ana 12.-18. júní eru um 61,25% þeirra sem af­stöðu tóku fylgj­andi því að Ísland fái und­anþágu frá orku­lög­gjöf Evr­ópu­sam­bands­ins en um 38,75% eru and­víg

Orkan okkar baráttuhópur

Athygli hefur verið vakin á því á vef ,,Orkunnar okkar“ að RÚV er sagt hafa kosið að fjalla ekki um könnunina og er farið ófögrum orðum um hlutdrægni RÚV í þessu máli og öðrum og m.a. bent á að RÚV eigi að gæta hlutleysis í þjóðfélaginu.
Þá hafi RÚV oft áður, sérstaklega vitnað í ýmsar kannanir Maskínu sem sé viðurkennt fyrirtæki í greininni, segir m.a. á síðu Orkuhópsins þar sem að RÚV er sagt neita því að birta könnun Maskínu.
,,RÚV hafði ekki til hádegis þennan föstudag birt frétt um skoðanakönnun Maskínu, þar sem fram kom, að 61,25% manna eru fylgj­andi því að Ísland fái und­anþágu frá orku­lög­gjöf Evr­ópu­sam­bands­ins (og um 53% af þeim, sem af­stöðu tóku, vilji þjóðar­at­kvæðagreiðslu um inn­leiðingu orkupakk­ans).
Ekki finn ég neina frétt á ruv.is um málið. Nú er þetta viðurkennt fyrirtæki á sviði skoðanakannana og áður verið birtar aðrar kannanir þaðan í Rúv.
En hvers vegna ekki núna? Ég hringdi og talaði við unga konu á fréttastofunni allt að 2 mín. í hádeginu og bar fram ósk um birtingu þessarar könnunar og rökstuddi hana rólega og yfirvegað.
Hún sagði að þau væru að ræða málið, menn hefðu ekki verið þar sammála um málið, en ég spurði hvort ekki væri sjálfsagt að birta slíka frétt frá viðurkenndu skoðanakönnunarfyrirtæki, varla ættu skoðanir einstaklinga á fréttastofunni að ráða því hvað birtist — eða teldu þau sig þurfa að fylgja stjórnvöldum í þessu máli? —
þrátt fyrir andstöðu meirihluta landsmanna og ekki sízt meðal stuðningsmanna Framsóknarflokksins og líka hinna stjórnarflokkanna — og ítrekaði ósk um að þau birtu þessa könnun. —
Spurningar vakna: Er það hlutverk Rúv að FELA skoðanakannanir um mikilvæg þjóðmál?
Fréttastofa Rúv misbeitti mjög aðstöðu sinni til afar einhliða málflutnings með Icesave-samningum vinstri stjórnarinnar frá 2009, en lokaði til dæmis á, að formaður og varaformaður Þjóðarheiðurs, 85 manna samtaka gegn Icesave, fengju að koma þar í viðtal. Ætlar fréttastofan aftur að láta standa sig að því að birta bara það sem stjórnvöld kæra sig um að heyrist — og loka á, að vitnisburðir um afstöðu almennings og grasrótarmanna hinna ýmsu flokka fái að heyrast?“ Segir á vef samtakanna.
Í könn­un­inni sem að um ræðir, kem­ur jafnframt fram að um 53% af þeim sem af­stöðu tóku vilji þjóðar­at­kvæðagreiðslu um inn­leiðingu þriðja orkupakk­ans en 47% eru því and­víg. Þá sögðust 59% and­víg því að heim­ila inn­flutn­ing á fersku eða ófrosnu kjöti en 41% voru því fylgj­andi.
Könn­un Maskínu fyr­ir Heims­sýn