Sumsstaðar hellidembur og líkur á eldingum
Hugleiðingar veðurfræðings
Fremur hæg suðlæg átt og stöku skúrir, en dálítil rigning norðaustantil fram eftir morgni. Eftir hádegi gengur í suðaustan 8-13 m/s, þykknar upp og fer að rigna um sunnanvert landið. Heldur hægari vindur vestan- og norðanlands og skúrir, sumar þeirra hellidembur og má jafnvel búast við hagléli og eldingum á stöku stað. Hiti víða 10 til 16 stig að deginum.
Talsverð rigning á Suðausturlandi í kvöld og nótt, en annarsstaðar dregur úr úrkomu. Fremur hæg breytileg átt á morgun og skúrir, sumsstaðar hellidembur og líkur á eldingum á vesturhelmingi landsins. Suðaustan 8-13 á austanverðu landinu og víða rigning á þeim slóðum, einkum suðaustanlands. Hlýnar lítið eitt á morgun og styttir upp annað kvöld. Spá gerð: 23.06.2020 06:25. Gildir til: 24.06.2020 00:00.
Veðurhorfur á landinu
Suðlæg átt 3-8 og stöku skúrir, en dálítil rigning norðaustanlands fram á hádegi. Gengur í suðaustan 8-13 m/s á sunnanverðu landinu síðdegis með samfelldari rigningu, talsverð rigning á Suðausturlandi í kvöld. Hægari vindur og þurrt að kalla norðvestan, en skúrir þar seinni partinn. Hiti víða á bilinu 10 til 16 stig.
Spá gerð: 23.06.2020 05:18. Gildir til: 24.06.2020 00:00.
Veðurhorfur á landinu næstu daga
Á miðvikudag:
Breytileg átt 3-8 m/s, en suðaustan 8-13 á austanverðu landinu. Talsverð rigning suðaustanlands, en skúrir í öðrum landshlutum, sums staðar hellidembur. Úrkomulítið um kvöldið. Hiti 10 til 17 stig.
Á fimmtudag:
Suðvestlæg eða breytileg átt 3-10 og dálitlar skúrir, en bjartviðri austantil. Hiti 8 til 17 stig, hlýjast á Austurlandi.
Á föstudag:
Austlæg átt, víða 5-10 m/s. Dálítil rigning um landið norðaustanvert, en stöku súrir í öðrum lands hlutum. Hiti 8 til 16 stig, hlýjast suðvestanlands.
Á laugardag og sunnudag:
Allhvöss eða hvöss austan- og norðaustanátt. Rigning og hiti 8 til 13 stig, en úrkomulítið um landið suðvestanvert og hiti að 18 stigum.
Á mánudag:
Norðaustan átt og rigning með köflum, en þurrt sunnan- og vestanlands. Hiti 8 til 16 stig, hlýjast á Suðurlandi.
Spá gerð: 22.06.2020 21:00. Gildir til: 29.06.2020 12:00.
