8.8 C
Reykjavik
Sunnudagur - 5. febrúar 2023
Auglýsing

50 milljarða viljayfirlýsing vegna Borgarlínu ekki bindandi?

Auglýsing

Auglýsing

Nýjar fréttir

Auglýsing

 

,,Varla boðað til mikils samráðs á fundi sem boðað hefur verið til á miðvikudaginn gagnvart samningi sem á undirrita á fimmtudaginn“ 

Bergþór Ólason þingmaður Miðflokksins

Í óundirbúnum fyrirspurnum fyrr í dag ræddi Bergþór Ólason við Sigurð Inga Jóhannsson, samgönguráðherra, um samning sem ráðherra ætlar að undirrita fyrir hönd ríkisins við sveitarfélög á höfuðborgarsvæðinu, um uppbyggingu Borgarlínu og aðrar framkvæmdir.
Af svörum ráðherra var það helst að ráða að hér væri um viljayfirlýsingu að ræða sem ekki væri bindandi fyrir Alþingi. Ráðherra svaraði því ekki hvernig umframkostnaði yrði skipt á milli ríkis og sveitarfélaga, ef verkefnin fara fram úr kostnaðaráætlun, sem virðist regla fremur en undantekning hvað framkvæmdir á höfuðborgarsvæðinu varðar.
Sigurdur Ingi samgönguráðherra

Mesta athygli vakti þó svar samgönguráðherra þar sem hann sagði Alþingi hafa bundið 1 milljarð króna á ári sem viðbótarframlag til Strætó á höfuðborgarsvæðinu allt til ársins 2033, en samkvæmt samkomulagi á milli ríkis og sveitarfélaga á höfuðborgarsvæðinu frá árinu 2012 var samið um stórframkvæmdastopp á höfuðborgarsvæðinu gegn framlagi ríkissjóðs upp á 1 milljarð króna á ári til Strætó bs.
Miðflokkurinn hefur ítrekað gert athugasemdir við þetta samkomulag, enda árangurinn af því enginn á fyrstu sex árunum. Þegar samkomulagið var undirritað var hlutfall farinna ferða með strætó á höfuðborgarsvæðinu 4,0%, 6 árum síðar var það enn 4,0%!
https://www.facebook.com/midflokkur/videos/509774926481782/
 
Bergþór Ólason spurði samgönguráðherra í óundirbúnum fyrirspurnum fyrr í dag. Umræðuefnið var fyrirhugaður samningur um samgönguframkvæmdir á höfuðborgarsvæðinu. Spurningarnar sem lagðar voru fyrir ráðherra voru:
1. Lítur ráðherra svo á að með undirritun sinni næstkomandi fimmtudag hafi hann skuldbundið ríkissjóð til rúmlega 50 milljarða útgjalda.
2. Hvernig er tekið á því í samningnum ef framkvæmdakostnaður verður meiri en nú er áætlað? Lendir sá kostnaður á sveitarfélögunum eða ríkissjóði.
3. Hvernig stóð á því að ekki var minnst á Sundabraut fyrr en í uppfærðum samningsdrögum sem send voru til sveitarfélaga á höfuðborgarsvæðinu í liðinni viku?
4. Er ráðherra kunnugt um að ráðherra í ríkisstjórn Íslands hafi áður skuldbundið ríkissjóð um jafn háa upphæð, án þess að málið hafi sérstaklega komið til umræðu á Alþingi?
5. Samningi milli stjórnvalda og sveitarfélaga á höfuðborgarsvæðinu um stórframkvæmdastopp frá 2012, verður honum sagt upp? Eða verður samningur um stórframkvæmdastopp áfram virkur þrátt fyrir planað samkomulag um stórframkvæmdir?