Harður árekstur varð á Akureyri í nótt. Tveir bílar skemmdust talsvert en fólk meiddist ekki, að sögn lögreglunnuar á Akureyri.
17 ára á 157 km. hraða innanbæjar
Lögreglan á höfuðborgarsvæðinu stöðvaði ungan ökumann á Kringlumýrarbraut í Reykjavík í gærkvöld. Hann hafði þá mælst á 157 kílómetra hraða en hámarkshraði er 80 kílómetrar á klukkustund. Ökumaðurinn reyndist vera sautján ára, þegar að var gáð og nýkominn með bílfpróf. Að því er fram kemur í dagbók lögreglunnar var málið afgreitt með aðkomu föður piltsins og tilkynningu til Barnaverndar. Þá voru fjórir handteknir vegna vímuefnaaksturs.