-0.2 C
Reykjavik
Þriðjudagur - 31. janúar 2023
Auglýsing

Suðvestan og vestan stormur 18-28 m/s

Auglýsing

Auglýsing

Nýjar fréttir

Auglýsing

Hugleiðingar veðurfræðings

Í dag er útlit fyrir hæga vestlæga átt, úrkomulítið og kalt veður en svo dregur til tíðinda í kvöld. Skammt suður af Hvarfi er víðáttumikil lægð sem dýpkar á hraðri leið til norðurs. Í kvöld hvessir af suðaustri með rigningu á sunnan og vestanverðu landinu og hlýnar, en í fyrramálið er útlit fyrir suðvestan storm eða rok, fyrst með rigningu á sunnanverðu landinu en síðan vestlægari átt og éljum og hríðarveðri á norðvestan og norðanverðu landinu seint á morgun. Þá er útlit fyrir að hvessi mikið úr vestri á Austfjörðum seint á morgun og annað kvöld. Veðrið gengur að mestu niður aðfaranótt miðvikudags, en á fimmtudag er næsta lægð væntanleg, og ekki annað að sjá en fleiri komi í kjölfarið.

Veðurhorfur á landinu
Suðvestan 3-10 og skýjað með köflum. Stöku él suðvestantil annars þurrt að kalla. Frost 0 til 10 stig, kaldast í innsveitum. Vaxandi suðaustanátt 8-15 m/s í kvöld og slydda eða rigning en úrkomulítið norðaustantil.
Gengur í suðvestan 15-23 m/s í fyrramálið með rigningu eða slyddu. Hvassast með suðurströndinni. Snýst í vestan og síðan norðvestan 20-28 m/s eftir hádegi. Áfram rigning,en síðan slyddué eða él og kólnandi veður. Heldur hægari og úrkomulítið nyrst fram á kvöld. Lægir vestantil annað kvöld.

Veðurhorfur á landinu næstu daga
Á miðvikudag:
Fremur hæg sunnanátt, lítilsháttar snjókoma sunnan- og vestanlands en annars bjart með köflum en allhvöss vestanátt austast um morguninn. Frost 0 til 8 stig.

Á fimmtudag:
Vestlæg átt 8-15 m/s og él, en hægari og bjart með köflum fyrir austan. Vaxandi sunnanátt og þykknar upp með snjókomu vestantil um kvöldið. Frost 0 til 8 stig.

Á föstudag:
Ákveðin austan- og suðaustanátt. Víða rigning eða slydda en snjókoma norðan- og austanlands. Hlýnar heldur í veðri, einkum sunnantil en snýst í vestlæga átt og kólnar seint um kvöldið.

Á laugardag:
Líkur á vestlægri átt með éljum, einkum norðan- og vestantil. Frost um allt land.

Á sunnudag:
Útlit fyrir vestlæga átt með éljum en úrkomuítið fyrir austan. Frost 0 til 12 stig, kaldast inn til landsins norðaustantil.
Spá gerð: 24.01.2022 09:15. Gildir til: 31.01.2022 12:00.