5.6 C
Reykjavik
Föstudagur - 3. febrúar 2023
Auglýsing

Snjóflóð féll á Súðavíkurhlíðarveg sem var opinn

Auglýsing

Auglýsing

Nýjar fréttir

Auglýsing

,,Ég keyri aldrei þessa stórhættulegu leið þegar viðvaranir eru í gangi“

Snjóflóð féll á Súðavíkurhlíðarveg um tíuleytið í gærkvöldi. Hlíðin var lokuð í nótt en opnuð að nýju klukkan sjö í morgun, eftir að búið var að ryðja veginn. Veginum var ekki lokað fyrir umferð fyrr en eftir að snjóflóð féll. Að minnsta kosti einn bíll fór út af veginum að sögn Rúv.

Munaði litlu að bíll færi fram af brúninni

Dagbjört Hjaltadóttir, íbúi Súðavíkur, greinir frá því á Facebook að hún hafi verið að aka hlíðina í gær þegar snjóflóðið féll en náði að aka í gegnum það. „Fyrir nokkrum mínútum keyrði ég yfir snjóflóð á Súðavíkurhlíðinni. Engin skilaboð komu frá Vegagerðinni í dag en hlíðin öll var komin á hreyfingu þegar ég kom af söngæfingu á Ísafirði í kvöld. Fólk í bíl á norðurleið hafði keyrt útaf þegar þau komu skyndilega að flóðinu en ljósin frá bílnum gerðu það að verkum að ég sá ekki flóðið fyrr en of seint – og það eina að gera að nauðhemla og keyra inn í flóðið eða gefa í – sem ég gerði og skautaði yfir. Allt í kring mátti heyra snjóbolta rúlla niður hlíðarnar í myrkrinu og þarna dreif að fleiri bíla frá báðum hliðum. Ég keyri aldrei þessa stórhættulegu leið þegar viðvaranir eru í gangi en rétt á meðan ég skrifa þessar línur fæ ég sms frá Vegagerðinni um búið sé að loka hlíðinni! Kræst!“ Segir Dagbjört Hjaltadóttir.

Ungmenni sem voru á leiðinni frá Súðavík höfðu aftur á móti farið út af vegna flóðsins. „Þau sáu örugglega flóðið og reyndu að sveigja frá því og lenda þá eiginlega í flóðinu við endann á því, þar sem það hafði náð yfir veginn. Þau fóru sem betur fer ekki fram af en það munaði ekki miklu, þau voru þarna á brúninni bara, og svo var bara bratt niður í fjöruna fyrir neðan.“