Hugleiðingar veðurfræðings – Búist er við hvassri suðaustanátt og jafnvel stormi, 13 til 20 metrum á sekúndu
Í dag verður suðaustan 13-20 m/s með rigningu eða súld á vestanverðu landinu. Slíkur vindur er varasamur fyrir öktæki sem eru viðkvæm fyrir vindi. Einnig geta lausamunir fokið og því um að gera að huga að sínu nærumhverfi og gera viðeigandi ráðstafanir. Hægari og úrkomulítið austanlands. Hiti 8 til 15 stig, hlýjast á norðausturhorninu.
Dregur úr vindi í nótt. Suðaustan 5-13, en 13-18 á Snæfellsnesi. Dálítil væta um sunnanvert landið en bjart að mestu fyrir norðan. Hiti 10 til 20 stig, hlýjast á Norðurlandi.
Á sunnudag verður suðlæg átt 5-10 m/s. Lítilsháttar súld sunnanlands en annars bjart með köflum. Áfram hlýtt í veðri. Einkum inn til landsins eru líkur á nokkrum síðdegisskúrum. Eftir helgi fylgja nokkrir frekar hlýjir dagar með hægum vindum og dálítilli vætu hér og þar. Spá gerð: 24.05.2024 05:39. Gildir til: 25.05.2024 00:00.
Gul viðvörun vegna veðurs: Höfuðborgarsvæðið, Faxaflói, Breiðafjörður, Vestfirðir og Miðhálendi
Veðurhorfur á landinu
Suðaustan 13-20 m/s og rigning eða súld, hvassast í vindstrengjum vestantil á landinu. Hægari vindur og úrkomulítið austanlands. Hiti 7 til 15 stig, hlýjast norðaustantil.
Suðaustan 8-15 m/s á morgun, en heldur hvassari á Snæfellsnesi. Dálítil rigning eða súld í flestum landshlutum en bjart með köflum norðaustanlands.
Hiti 8 til 19 stig, hlýjast á Norðausturlandi.
Spá gerð: 24.05.2024 09:37. Gildir til: 26.05.2024 00:00.
Veðurhorfur á landinu næstu daga
Á sunnudag:
Suðaustlæg átt, 5-13 og dálítil væta sunnan- og vestanlands, en bjart að mestu norðaustantil. Hiti 10 til 18 stig, hlýjast á Norðausturlandi.
Á mánudag og þriðjudag:
Hæg breytileg átt, skýjað með köflum og sums staðar dálítil væta. Líkur á þokumóðu við ströndina. Hiti 7 til 17 stig, hlýjast inn til landsins.
Á miðvikudag:
Norðvestlæg átt, 3-10 m/s og lítilsháttar rigning á norðanverðu landinu, en bjart með köflum og skúrir á stöku stað sunnan heiða. Hiti 8 til 16 stig, hlýjast sunnantil.
Á fimmtudag:
Útlit fyrir stífa suðvestanátt með rigningu, en þurrt austantil. Milt veður.
Spá gerð: 24.05.2024 07:41. Gildir til: 31.05.2024 12:00.
