-0.2 C
Reykjavik
Þriðjudagur - 31. janúar 2023
Auglýsing

Átta milljarða krafa gegn Valitor vegna WikiLeaks enn fyrir dómstólum

Auglýsing

Auglýsing

Nýjar fréttir

Auglýsing

Átta milljarða krafa gegn Valitor vegna WikiLeaks enn fyrir dómstólum

Tölvufyrirtækið Datacell sem sá um greiðslugáttina fyrir WikiLeaks á Íslandi, höfðaði dómsmál á hendur Valitor fyrir Hæstarétti árið 2013. Hæstiréttur staðfesti að lokun Valitor á greiðslugátt fyrir WikiLeaks hefði verið ólögmæt. Visa International krafðist lokunarinnar. Landsréttur hafnaði kröfu um matsbeiðni á fjártjóni vegna lokunar á greiðslugátt Datacell ehf. hjá Valitor, vegna söfnunar fyrir WikiLeaks í s.l. viku.

Sveinn Andri Sveinsson, lögmaður Datacell fór fram á kyrrsetningu á eignum Valitor fyrr á árinu en sú krafa náði ekki fram að ganga fyrir dómstólum. En málinu er hvergi lokið þar sem að enn er verið að vinna í því og það enn rekið fyrir dómstólum og nú síðast fyrir Landsrétti í s.l. viku.
DataCell ehf. og Sunshine Press Productions ehf.  stefndu Valitor hf. til þess að greiða samtals um átta milljarða skv. aðalkröfu sem að lýst hefur verið og er nú reynt að innheimta með málsókn.
Í málinu gera stefnendur aðallega þær dómkröfur að Valitor hf. verði gert að greiða Sunshine Press Productions ehf. 7.698.931.792 krónur og DataCell ehf. 405.206.936 krónur.
Til vara er þess krafist að stefndi greiði Sunshine Press Productions ehf. 3.495.026.310 krónur og DataCell ehf. 183.454.927, til þrautavara er krafist greiðslu 1.267.825.851 króna til Sunshine Press Productions ehf. og 66.727.676 króna til DataCell ehf.  Að þessum kröfum frágengnum gera stefnendur loks kröfu um stefndi verði gert að greiða stefnendum bætur sem ákveðnar verði að álitum. Í öllum tilvikum er gerð krafa um vexti og dráttarvexti og málskostnað úr hendi stefnda.
Forsaga málsins er sú að Visa og Mastercard lokuðu á greiðslugáttir til uppljóstrunarsíðunnar WikiLeaks og talið er að stórar fjárhæðir hafi tapast vegna þessa.
WikiLeaks og DataCell sem umboðsaðili á Íslandi, lögsóttu bæði Visa og Mastercard í kjölfarið og féll dómur í júlí 2012 í héraði, WikiLeaks og DataCell í vil. En hið síðarnefnda félag sá um allan málarekstur vegna málsins sem umboðsaðili WikiLeaks á Íslandi. En krafan beindist gegn Valitor á Íslandi sem er umboðsaðili Visa International.

Valitor var gert að opna strax greiðslugátt DataCell fyrir WikiLeaks þann 12. júli 2012 skv. dómi Héraðsdóms Reykjavíkur. Þeim dómi var áfrýjað til Hæstaréttar.

Deilur WikiLeaks og DataCell gegn Valitor má þó rekja fyrst aftur til ársins 2010 þegar Visa og MasterCard létu loka á greiðslur til uppljóstrunarsíðunnar og var það gert vegna kröfu bandarískra stjórnvalda. Árið 2011 opnaði Valitor svo fyrir greiðslugáttina en bara í nokkra klukkutíma vegna þess að Visa International fór fram á að henni yrði lokað þá þegar.
Tölvufyrirtækið Datacell sem sá um greiðslugáttina fyrir Wikileaks á Íslandi, höfðaði þegar dómsmál og kom úrskurður Hæstiréttur loks árið 2013 og staðfesti að lokunin hafi verið ólögmæt. Á grunni þess dóms var gerð krafa um kyrrsetningu í byrjun árs og svo er málið enn rekið í dómskerfinu.
DataCell var hýsingaraðili fyrir vefsíðu WikiLeaks og tók á móti greiðslum frá stuðningsfólki síðunnar og rak einnig málið gegn Valitor hér á landi. Fyrir lágu gildir samningar milli aðila um að korthafar gætu styrkt WikiLeaks í gegnum vefsíðuna skv. þeim samningi.
En Valitor braut þann samning um leið og að birt voru gögn frá bandaríska hernum á uppljóstrunarsíðunni. Þá var lokað á allar greiðslugáttir til WikiLeaks að beiðni bandarískra stjórnvalda eins og áður segir. Visa og Mastercard erlendis höfðu einnig orðið við kröfu bandarískra stjórnvalda og var WikiLeaks því einangrað frá víðtæku neti kortafyrirtækjanna tveggja um allan heim. Engin eigna- eða stjórnunartengsl voru á milli WikiLeaks og DataCell og þau voru einungis viðskiptalegs eðlis, til þess var m.a. litið fyrir dómi.
Það virðist ljóst að þessu máli er ekki enn lokið og munum við fylgjast með framgangi þess og hér eru síðustu fréttir af málinu .