-2.2 C
Reykjavik
Þriðjudagur - 7. febrúar 2023
Auglýsing

Ég á mér draum

Auglýsing

Auglýsing

Nýjar fréttir

Auglýsing

Ég á mér gamlan draum

Formáli:

Ungur maður gekk ég til liðs við björgunarsveitina Ingólf í Reykjavík, skráður í sjóflokk og gerðist kafari sveitarinnar ásamt félögum mínum. Við sinntum útköllum og viðhaldi á búnaði sjóflokksins. Sérverkefni kafaranna var leita að fólki sem talið var að það haf fallið í sjó eða vatn. 1970 hóf ég störf sem loftskeytamaður hjá Eimskip. Var lengst af í ameríkusiglingum á frystiskipinu Brúarfossi. Vestmannaeyjar voru oftast síðasta lestunarhöfn.

Þaðan var stefnan tekin suðurfyrir Hvarf á Grænlandi og svo til Belle Isle sunds milli Kanada og Nýfundnalands yfir sumartímann, á vetrum lokast sundið vegna lagnaðarís. Yfir vetrarmánuðina sigldum við um hættulegasta hafsvæði norður Atlantshafs. Frá Íslandi, Hvarf og yfir Grand Banks, þar sem Titanic sökk í apríl 1912 eftir árekstur við borgarísjaka, suðurfyrir Nýfundnaland og til Boston.

Björgvin Vídalín er oddviti Frjálslynda lýðræðisflokksins Norðausturkjördæmis 

Eitt af störfum loftskeytamanns á þessari siglingaleið, er að taka á móti veður- og borgarís skeytum tvisvar á sólarhring. Á þessum tíma fóru öll samskipti milli skips og lands fram á morsi. Kanadamenn halda mjög góðu eftirliti með fjölda, staðsetningu, stefnu og reki borgarísjaka. Grand Banks svæðið er afar hættulegt ekki bara vegna rekís því þokka liggur þar yfir oftar en ekki vegna þess að þar mætast kaldur Labradorstraumur og hlýr Golfstraumur.

Á mínum sjómannsferli hjá Eimskip, varð ég að fá aðstoð björgunarþyrla frá þremur löndum, tveir voru slasaðir og einn með sprunginn botnlanga. Strandgæsla Bandaríkjanna, Strandgæsla Svíþjóðar og Slysavarnargfélags Íslands.

Ég á mér þann draum að Landhelgisgæslan verð efld til mikilla muna. Verði með fjögur öflug skip, Þór, Óðinn, Ægir og Týr, og ein þyrla verði staðsett í hverjum landsfjórðungi, því stuttur tími á slysstað getur skipt sköpum milli lífs og dauða. Mörg björgunarafrekin hefur Landhelgisgæslan leyst af hendi, bæði á sjó og í lofti. Ekki má gleyma björgunarsveitunum sem eru hryggjarstykkið í björgun mannslífa og slasaðra. Seint mun björgunarafrekið janúar 1994 í Vöðlavík gleymast. Þar sannaðist hversu öflugar þyrlur geta afrekað.

Ísland verður að vera reiðubúið til að takast á við krefjandi verkefni þegar norðuríshafsleiðin opnast með tilheyrandi risa tankskipum sem sigla munu bæði austurmeð og vesturmeð íslandsströndum.

Björgvin oddviti Norðausturkjördæmis. XO