29,3 stiga hiti mældist á Hallormsstað klukkan 13:20 í dag. Það er mesti hiti sem mælst hefur á landinu í þrettán ár. Veðurfræðingur á rúv, segir mögulegt að íslenska hitametið frá 1939 falli á morgun.
Hitametið gæti fallið á morgun
Hitametið á Íslandi er 30,5 gráður en það féll á Teigarhorni í Berufirði 22. júní 1939. Mögulegt er að hitametið falli á morgun að það falli á morgun.
Veðurhorfur á landinu
Sunnanátt, víða 5-13 m/s og dálítil væta, en skýjað með köflum og yfirleitt þurrt norðan- og austanlands. Sunnan 8-15 á morgun, en hvassara í vindstrengjum á norðanverðu Snæfellsnesi. Súld eða rigning sunnan- og vestanlands, hiti 12 til 17 stig. Yfirleitt hægari vindur og léttskýjað á Norður- og Austurlandi og hiti 20 til 28 stig, hlýjast á Norðausturlandi.
Veðurhorfur á höfuðborgarsvæðinu
Suðaustan 8-13 m/s og súld eða dálítil rigning, en 10-15 og bætir í rigningu seint á morgun. Hiti 13 til 17 stig.
Veðuryfirlit
400 km ASA af Hvarfi er 994 mb lægð sem fer hægt N og grynnist, en yfir Skotlandi er 1033 mb hæð sem hreyfist lítið. Um 400 km NV af Scoresbysundi er nærri kyrrstæð 1028 mb hæð.
Veðurhorfur á landinu næstu daga
Á fimmtudag:
Sunnan 5-13 m/s. Skýjað með köflum sunnan- og vestanlands og sums staðar dálítil væta, hiti 12 til 17 stig. Bjartviðri á Norður- og Austurlandi með hita að 23 stigum.
Á föstudag:
Sunnan og suðaustan 8-15, en 15-20 í vindstrengjum á vestanverðu landinu þangað til síðdegis. Víða rigning og hiti 12 til 16 stig, en þurrt og bjart norðaustantil með hita 17 til 22 stig.
Á laugardag og sunnudag:
Ákveðin suðvestanátt og lítilsháttar væta á vestanverðu landinu, en yfirleitt léttskýjað austantil. Hiti 12 til 20 stig, hlýjast á Austurlandi.
Á mánudag:
Suðlæg átt með smásúld, en léttskýjað og hlýtt norðan- og austanlands.
Spá gerð: 24.08.2021 08:44. Gildir til: 31.08.2021 12:00.