2.8 C
Reykjavik
Föstudagur - 27. janúar 2023
Auglýsing

Norðanátt og vetrarlegt veður heldur áfram á landinu í dag

Auglýsingspot_img

Nýjar fréttir

Auglýsingspot_img

 

Hugleiðingar veðurfræðings

Norðanátt og vetrarlegt veður heldur áfram á landinu í dag. Það bætir í úrkomu og vind með morgninum og eru gular viðvaranir í gildi um N- og A-vert landið vegna hríðarveðurs, en vegna vinds á SA-landi undir Vatnajökli. Hríðarviðvaranirnar gilda fram á kvöld, en veðrið verður einna verst upp úr hádegi og þar til síðdegis þegar þéttur úrkomubakki kemur inn á Tröllaskaga og síðan NA-land.
Undir Vatnajökli má búast við stormi þvert á veg núna í morgunsárið og aftur í kvöld, en hviður þar geta farið yfir 40 m/s þegar verst lætur. Ljóst er að vegfarendur þurfa að fara að öllu með gát og fylgjast með veðurspám og tilkynningum frá Vegagerðinni.
Á SV-hluta landsins eru engar viðvaranir í gildi, en þó gæti orðið bálhvasst undir Eyjafjöllum og á S-verðu Snæfellsnesi núna með morgninum og aftur í kvöld. Einnig gæti orðið hviðótt á Kjalarnesi um tíma. Í gærkvöldi féllu nokkur snjókorn á höfuðborgarsvæðinu og eru einhverjar líkur á að það endurtaki sig seinni partinn, en ekki er útlit fyrir að það verði neitt að ráði.
Á morgun dregur smám saman úr vindi og úrkomu, en áfram verður éljagangur á N- og A-hluta landsins.
Það stefnir í að fyrsti vetrardagur á laugardaginn verði með rólegasta móti, hægir vindar, kalt og víða bjart veður.
Veðurhorfur á landinu
Norðlæg átt 13-23 m/s, en hvassari SA-lands um tíma með morgninum og í kvöld. Él eða snjókoma um N-vert landið, jafnvel talsverð á köflum, annars þurrt. Frost víða 1 til 7 stig. Úrkomuminna og hlýnar lítillega undir kvöld.
Minnkandi norðanátt á morgun, 8-15 m/s um kvöldið. Éljagangur, en þurrt S- og V-til. Frost 0 til 5 stig að deginum.
Spá gerð: 24.10.2019 04:56. Gildir til: 25.10.2019 00:00.
Veðurhorfur á landinu næstu daga
Á föstudag:
Minnkandi norðanátt, 8-15 m/s um kvöldið, en hægari V-lands. Dálítil él, en léttskýjað S- og V-til. Frost 0 til 6 stig að deginum.
Á laugardag (fyrsti vetrardagur):
Hæg norðlæg eða breytileg átt og víða léttskýjað, en stöku él í fyrstu NA- og A-til. Frost 0 til 9 stig, kaldast inn til landsins.
Á sunnudag og mánudag:
Norðvestlæg átt 5-13 m/s, bjart með köflum og hiti 0 til 5 stig við V-ströndina. Bjartviðri um austanvert landið og frost 0 til 6 stig.
Á þriðjudag og miðvikudag:
Útlit fyrir vestanátt og vætu með köflum N- og V-til, annars þurrt. Hiti 0 til 7 stig.
Spá gerð: 23.10.2019 20:25. Gildir til: 30.10.2019 12:00.