Það þarf að taka á þessu fjármálakerfi sem sogar allt fjármagn frá einstaklingum og fyrirtækjum
Um þetta eiga komandi alþingiskosningar að snúast um enda nauðsynlegt að taka á því vaxtaofbeldi sem heimili þessa lands hafa þurft að búa við um margra áratugaskeið.
Það þarf að taka á þessu fjármálakerfi sem sogar allt fjármagn frá einstaklingum, heimilum og litlum og meðalstórum fyrirtækjum til sín. Að hugsa sér að frá árinu 2021 til 2024 hafa hreinar vaxtatekjur viðskiptabankana þriggja numið 462 milljörðum.
Já kerfisbreytingar á fjármálakerfinu og húsnæðismálum er mál málanna í komandi alþingiskosningum enda ekki hægt að bjóða landsmönnum uppá þetta vaxtaofbeldi stundinni lengur.
Einnig þarf að ráðast tafarlaust í að auka orkuöflun á græni orku sem ýti undir og efli nýsköpun og tækniþróun og fjölgun fjölbreyttra starfa um land allt.
Mikilvægt fyrir alla að átta sig á að án aukinnar verðmætasköpunar verður ekki hægt að halda úti þeirri velferð sem við viljum kenna okkur við. Við þurfum öflug vel launuð gjaldeyrisskapandi atvinnugreinar til að tryggja aukna velferð hér á landi! Munum að öll kerfi eru mannanna verk en ekki náttúrulögmál
Viðskiptabankarnir halda áfram á ofurhraða að sópa til sín fé frá einstaklingum
Viðskiptabankarnir þrír halda áfram á ofurhraða að sópa til sín fé frá einstaklingum, heimilum og litlum og meðalstórum fyrirtækjum.
En í gær tilkynnti Landsbankinn að hagnaður bankans sé á fyrstu níu mánuðum ársins 26,9 milljarðar og hreinar vaxtatekjur nemi 44,1 milljarði og arðsemi eigin fjár sé 11,7% og hafi aukist 1,6%
Einnig kom í fréttum að Íslandsbanki hagnist eins og enginn sé morgundagurinn og hagnaður á þriðja ársfjórðungi hafi numið 7,3 milljörðum og hreinar vaxtatekjur séu 11,8 milljarðar á þriðja ársfjórðungi. Arðsemi eigin fjár 13,2% á ársgrundvelli.
Hugsið ykkur að frá árinu 2021 til þriðja ársfjórðungs þessa árs nema hreinar vaxtatekjur viðskiptabankanna 517,9 milljörðum og inni í því eru ekki hreinar vaxtatekjur Arion banka fyrir þriðja ársfjórðung en Arion banki mun tilkynna afkomu sína vegna þriðja ársfjórðungs 30 október.
Ég hef sagt það að komandi alþingiskosningar eiga og verða að snúast um að gera kerfisbreytingar á þessu fjármálakerfi sem hefur og takið eftir skilað tæpum 1000 milljörðum í hagnað frá árinu 2009.
Já viðskiptabankarnir sveima eins og hrægammar yfir ráðstöfunartekjum heimilanna og steypa sér á ógnarhraða og læsa klónum í heimilistekjur fjölskyldna og færa þær yfir í fjárhirslur sínar.
Það verður að taka á fjármálakerfinu og búa til hér nýtt húsnæðislánakerfi þar sem hægt verður að taka húsnæðislán á viðráðanlegum kjörum óverðtryggt til langs tíma. Það er ekkert eðlilegt að við Íslendingar þurfum að greiða tvöfalt jafnvel þrefalt hærri vexti en neytendur á Norðurlöndunum.
Þetta er brýnasta hagsmunamál einstaklinga, heimila og lítilla og meðalstórra fyrirtækja að tekið verði af krafti og festu á þeirri botnlausu græðgisvæðingu sem hefur um margra áratugaskeið heltekið fjármálakerfið.
Munið að núverandi fjármálakerfi er ekkert náttúrulögmál heldur mannanna verk sem klárlega má breyta þar sem hagsmunir almennings verði hafðir að leiðarljósi. Eina sem þarf er kjarkur, vilji og þor. Tíma sérhagsmunagæslu fjármálakerfisins á kostnað almennings þarf að ljúka strax eftir kosningar!
