-2.2 C
Reykjavik
Þriðjudagur - 7. febrúar 2023
Auglýsing

,,Skollið á óveður á ríflega helmingi landsins'' – Appelsínugul viðvörun

Auglýsing

Auglýsing

Nýjar fréttir

Auglýsing

Hugleiðingar veðurfræðings

Nú er skollið á óveður á ríflega helmingi landsins og má nánast draga línu frá Suðurlandi til norðausturs af Tröllaskaga. Hvaða leið lægðin velur að fara, skiptir miklu hversu mikið hvessir á höfuðborgarsvæðinu og í Skagafirði, en þau svæði er á jaðri vindstrengsins og minniháttar færsla á leið lægðarinnar getur haft mikil áhrif hve hvasst verður á þeim slóðum og rétt að vera við öllu búinn.
Austan þessarar línu verður hins vegar mjög hvasst og má gera ráð fyrir að meðalvindur geti farið yfir 30 m/s þar sem verst verður og hviður að sama skapi náð yfir 50 m/s. Svona veðurhæð veldur oft foktjóni hafi fólkt ekki fest niður allt lauslegt. Síðdegis fer að draga úr vindi, einna fyrst á Suðurlandi og síðar í öðrum landshlutum. Einnig kólnar samhliða að vind lægi og fyrir norðan má gera ráð fyrir að úrkoma verði í formi slydduélja í kvöld og nótt.
Á morgun verður svo komið fínasta veður, hægur vindur og sums staðar minniháttar úrkoma en fremur svalt miðað við hlýindi undanfarinna daga.

Veðurhorfur á landinu

Suðvestan 23-30, en mun hægari vindur NV-til. Dregur smám saman úr vindi og úrkomu síðdegis, en áfram stormur eða rok A-lands fram á kvöld. Kólnar N-til í kvöld og víða dálítil slydda eða snjókoma þar.
Suðlæg eða breytileg átt á morgun, víða 3-8 m/s. Stöku skúrir eða slydduél og hiti 0 til 6 stig, mildast syðst.
Spá gerð: 26.02.2019 04:24. Gildir til: 27.02.2019 00:00.

Veðurhorfur á landinu næstu daga

Á miðvikudag:
Suðlæg eða breytileg átt, 3-8 m/s og víða dálítil úrkoma. Hiti yfirleitt 1 til 6 stig, en vægt frost í innsveitum, einkum seinnipartinn.
Á fimmtudag:
Suðaustan 3-10 m/s, en austan 10-15 við S-ströndina. Dálítil rigning um landið sunnanvert, en þurrt norðan heiða. Hiti 1 til 6 stig, en um og undir frostmarki fyrir norðan.
Á föstudag:
Gengur í austan- og suðaustanhvassviðri með rigningu, en slyddu eða snjókomu um landið norðanvert. Hiti 3 til 8 stig, en um frostmark norðantil.
Á laugardag:
Norðaustlæg átt og dálítil rigning syðst, en annars yfirleitt þurrt. Hiti 0 til 5 stig sunnantil, en annars 0 til 6 stiga frost.
Á sunnudag og mánudag:
Áframhaldandi norðaustlæg átt með éljum N- og A-til, en annars bjartviðri. Frost um mest allt land.
Spá gerð: 25.02.2019 20:36. Gildir til: 04.03.2019 12:00.