-3.2 C
Reykjavik
Miðvikudagur - 1. febrúar 2023
Auglýsing

Hellisheiði og Þrengsli lokað – suðaustan óveður

Auglýsing

Auglýsing

Nýjar fréttir

Auglýsing

Hugleiðingar veðurfræðings

Þegar þetta er skrifað er djúp lægð (um 950 mb) komin inn á Grænlandshaf og sendir hún óveður yfir landið í dag. Nú er vaxandi suðaustanátt, stormur eða rok þegar kemur fram á daginn með snjókomu í fyrstu, síðar talsverðri rigningu eða slyddu á láglendi. Hlýnar í veðri, hiti 1 til 6 stig síðdegis. Hvessir einnig um landið norðaustanvert uppúr hádegi og þar má búast við skafrenningi og dálítilli snjókomu, hlýnar upp að frostmarki á þeim slóðum.
Þegar suðaustan óveðrið hefur lokið sér af snýst í allhvassa sunnanátt með skúrum eða slydduéljum. Þessi snúningur gerist á mismunandi tímum á mismunandi stöðum á landinu, tökum dæmi um tímasetningar: á höfuðborgarsvæðinu milli kl. 16 og 17, á Egilsstöðum milli kl. 20 og 21. Á morgun (laugardag) má gera ráð fyrir sunnan og suðvestan strekkingi með éljum nokkuð víða, en bjartviðri norðaustantil á landinu. Það kólnar og hiti kringum frostmark á morgun.

Á sunnudag róast veðrið síðan meira, þá er útlit fyrir suðlæga golu eða kalda með éljum, gæti orðið fallegt vetrarveður milli éljanna. Á Norður- og Austurlandi er ekki gert ráð fyrir úrkomu. Frystir um mestallt land.

Veðurhorfur á landinu

Vaxandi suðaustanátt, 18-28 m/s í dag með snjókomu og síðar talsverðri slyddu eða rigningu. Hlýnar í veðri, hiti 1 til 6 stig síðdegis. Skafrenningur og dálítil snjókoma um landið norðaustanvert og hiti kringum frostmark. Allhvöss sunnanátt í kvöld með skúrum eða slydduéljum. Sunnan og suðvestan 8-15 á morgun og él, en bjartviðri norðaustantil. Hiti kringum frostmark.

Færð og ástand vega